ଭଦ୍ରକ: କୋରୋନା ଯୁଦ୍ଧରେ ସୁସ୍ଥ ହୋଇ ଫେରିଛନ୍ତି ଭଦ୍ରକର 3 ଆକ୍ରାନ୍ତ । ରବିବାର ଜିଲ୍ଲାରେ ଏହି ଖବର ପ୍ରକାଶ ହେବା ପରେ ଜିଲ୍ଲାରେ ଖେଳିଛି ଖୁସିର ଲହରୀ । ପୂର୍ବରୁ ଜିଲ୍ଲାର 9 ଜଣ କୋରୋନା ଆକ୍ରାନ୍ତ ସୁସ୍ଥ ହୋଇସାରିଥିଲେ । ଅଦ୍ୟାବଧି ମୋଟ 12 ଜଣ ଆକ୍ରାନ୍ତ ସୁସ୍ଥ ହୋଇସାରିଛନ୍ତି। ତେବେ ଜିଲ୍ଲାରୁ ମୋଟ 19 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇ ଚିକିତ୍ସାଧିନ ଥିଲେ । ଏନେଇ ଟ୍ବିଟ କରି ସୂଚନା ଦେଇଛନ୍ତି ଭଦ୍ରକ ଜିଲ୍ଲାପାଳ ଜ୍ଞାନ ଦାସ ।
ବର୍ତ୍ତମାନ ରାଜ୍ୟରେ ମୋଟ 162 ପଜିଟିଭ ଚିହ୍ନଟ ହୋଇଥିବା ବେଳେ ଏଯାବତ୍ ମାତ୍ର ଜଣଙ୍କର ମୃତ୍ୟୁ ହୋଇଛି । ସେପଟେ ଭଦ୍ରକ ଜିଲ୍ଲା ଏବେ ରେଡ ଜୋନରେ ରହିଥିବାରୁ ବ୍ୟାପକ ସୁରକ୍ଷା ବ୍ୟବସ୍ଥାମାନ ଗ୍ରହଣ କରାଯାଉଥିବା ଜିଲ୍ଲାପାଳ ସୂଚନା ଦେଇଛନ୍ତି । ସେପଟେ ଜିଲ୍ଲାରେ ଆସି ପହଞ୍ଚିଥିବା ପ୍ରବାସୀ ଶ୍ରମିକମାନଙ୍କୁ କ୍ବାରେନଣ୍ଟାଇନରେ ରଖିବା ସହ ସେମାନଙ୍କୁ ସ୍ବାସ୍ଥ୍ୟଗତ ସୁରକ୍ଷା ପ୍ରତି ମଧ୍ୟ ବିଶେଷ ଧ୍ୟାନ ଦିଆଯାଉଥିବା ସେ ପ୍ରକାଶ କରିଛନ୍ତି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
