ଭଦ୍ରକ: ଜିଲ୍ଲାର ଧାମରା ଚନ୍ଦନୀପାଳ ମାଛଧରା କେନ୍ଦ୍ରରେ ଏକ ବିରଳ ମାଛ ଦେଖିବାକୁ ମିଳିଛି । ଦେଖିବା ପାଇଁ ଲୋକଙ୍କ ଭିତରେ ନାହିଁ ନଥିବା ଉତ୍ସାହ। ଗୋଟେ ଗୋଟେ ମାଛର ଓଜନ ୩୦ କେଜିରୁ ଉର୍ଦ୍ଧ୍ବ ଥିବା ବେଳେ ଏହାର ଦାମ ବି ବହୁ ଉଚ୍ଚା । କେଜି ୬ହଜାରରୁ ଉର୍ଦ୍ଧ୍ବ ଟଙ୍କା । ଗୋଟେ ଗୋଟେ ମାଛ ପ୍ରାୟ ୧ଲକ୍ଷ ୮୦ହଜାରରୁ ଉର୍ଦ୍ଧ୍ବ। ଏହି ମାଛର ନାମ ତେଲିଆଶିଳା । ସମୁଦ୍ରରେ ଏହି ପ୍ରଜାତି ବହୁ କମ ଦେଖିବାକୁ ମିଳିଥାଏ।
ମତ୍ସ୍ୟଜୀବୀ ମାନେ ସମୁଦ୍ରରେ ମାଛ ମାରିବାକୁ ଯାଇଥିବା ବେଳେ ଆଜି ୧୦ଟି ମାଛ ଧରିଥିଲେ। ତେବେ ଏହି ମାଛକୁ ବ୍ୟବସାୟୀ ମାନେ ଉଚ୍ଚା ଦରରେ କିଣି ରାଜ୍ୟ ବାହାରକୁ ହାୱଡ଼ା, ଦିଘା, ସିଲିଗୁଡି, ଆସାମକୁ ପଠାଇ ଅଧିକ ଲାଭବାନ ହୋଇଥାନ୍ତି ।
ଏହି ମାଛକୁ କିଣିବାକୁ ବ୍ୟବସାୟୀ ମାନଙ୍କ ମଧ୍ୟରେ ଚାଲିଛି ଜୋରଦାର ପ୍ରତିଯୋଗିତା । ତେବେ ଦେଖଣାହାରୀ ଯେତିକି, ବ୍ୟବସାୟୀ ମଧ୍ୟ ସେତିକି। ଯାହା ମତ୍ସ୍ୟଜୀବୀ ମାନେ କୁହନ୍ତି ଏହି ମାଛରେ ଓମେଗା ଥ୍ରୀର ପରିମାଣ ଅଧିକ ଥାଏ । ଯାହାକୁ ମେଡ଼ିସିନ୍ ପ୍ରସ୍ତୁତ ପାଇଁ ବ୍ୟବହାର କରାଯାଏ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
