ଭଦ୍ରକ: ଭଦ୍ରକ ଜିଲ୍ଲା ତିହିଡି ତହସିଲ ଅନ୍ତର୍ଗତ କାଁପଡା ଗାଁରେ ଅଗ୍ନିକାଣ୍ଡ ହୋଇଥିବା ସୂଚନା ମିଳିଛି । ଏଥିରେ ପୂର୍ବତନ ବିଧାୟକ ଗଙ୍ଗାଧର ଦାସଙ୍କ ଦୁଇ ବଖରା ଗୃହ ସମେତ ଗୁହାଳ ଘର ନିଆଁରେ ଭଷ୍ମୀଭୂତ ହୋଇଯାଇଛି । ଏଥିସହ ତାଙ୍କ ପଡୋଶୀଙ୍କ ଅନ୍ୟ 6 ବଖରା ଘର ମଧ୍ଯ ଅଗ୍ନିକାଣ୍ଡରେ ଜଳି ଯାଇଛି ।
ପୂର୍ବତନ ବିଧାୟକଙ୍କ ଘର ନିଆଁରେ ଭଷ୍ମିଭୂତ
ଏହି ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନଥିବା ବେଳେ ଚାହୁଁ ଚାହୁଁ ନିମିଷକ ମଧ୍ଯରେ ନିଆଁ ଚାରିଆଡେ ବ୍ୟାପି ଯାଇଥିଲା । ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ସହିତ ପଡୋଶୀଙ୍କ ଅନ୍ୟ ଗୃହକୁ ବିପଦରୁ ରକ୍ଷା କରିଥିବା ଜଣାପଡିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
