ଭଦ୍ରକ: ଗ୍ୟାରେଜରେ ଭୟଙ୍କର ଅଗ୍ନିକାଣ୍ଡ। ନିଆଁ ଲାଗିବା କାରଣରୁ ହୁତୁ ହୁତୁ ହୋଇ ଜଳିଗଳା 4ଟି ବସ ଓ ଗୋଟିଏ ସ୍କର୍ପିଓ। ଅଗ୍ନିକାଣ୍ଡର କାରଣ ଅସ୍ପଷ୍ଟ।
ଗ୍ୟାରେଜରେ ଅଗ୍ନିକାଣ୍ଡ
ସୂଚନାନୁସାରେ, ଭଦ୍ରକ 16 ନଂ ଜାତୀୟ ରାଜପଥ ଡାହାଣୀଗଡ଼ିଆ ଛକ ନିକଟରେ ଥିବା ହରିଶଙ୍କର ଗ୍ୟାରେଜରେ ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଛି। ଫଳରେ ଗ୍ୟାରେଜରେ ଥିବା 4ଟି ବସ ଓ ଗୋଟିଏ ସ୍କର୍ପିଓ ଗାଡି ସମ୍ପୂର୍ଣ୍ଣ ଜଳିଯାଇଛି। ଏହା ସହିତ ଗୋଟିଏ କ୍ୟାବିନ ମଧ୍ୟ ଜଳିଯାଇଛି।
ଅଗ୍ନିକାଣ୍ଡ ଘଟିବା କ୍ଷଣି ଅଗ୍ନିଶମ ବାହିନୀକୁ ଖବର ଦିଆ ହୋଇଥିଲା। ଖବର ପାଇ ତିନୋଟି ଅଗ୍ନିଶମ ବାହୀନି ଗାଡି ପହଞ୍ଚି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ। ପ୍ରାୟ ତିନି ଘଣ୍ଟାର ପରିଶ୍ରମ ପରେ ନିଆଁକୁ ଆୟତ କରାଯାଇଥିଲା। ତେବେ ଗ୍ୟାରେଜରେ ଏପରି ଅଚାନକ ଅଗ୍ନିକାଣ୍ଡ ଘଟିବାର କାରଣ ଜଣାପଡିନାହିଁ।
ଭଦ୍ରକରୁ ଦେବାଶିଷ ମହାପାତ୍ର, ଇଟିିିଭି ଭାରତ
