ଭଦ୍ରକ: ଗ୍ୟାସ ଟାଙ୍କି ଫାଟି 8 ବଖରା ଘର ଜଳି ପୋଡି ପାଉଁଶ । ଭଦ୍ରକ ଜିଲ୍ଲା ତିହିଡି ପୀରହାଟ ପୁରୁଣା ବଜାର ଅଞ୍ଚଳରେ ଘଟିଛି ଏଭଳି ଅଭାବନୀୟ ଘଟଣା।
ଗ୍ୟାସ ଟାଙ୍କି ଫାଟି 8 ବଖରା ଘର ଜଳି ପୋଡି ପାଉଁଶ
ସୂଚନା ଅନୁଯାୟୀ, ରୋଷେଇ ଚାଲୁଥିବାବେଳେ ଗ୍ୟାସ ଟାଙ୍କି ଲିକ୍ ହୋଇ ନିଆଁ ଲାଗି ଫାଟିଥିଲା। ଫଳରେ ଚାଳ ଛପର ପ୍ରାୟ କୋଡିଏ ଫୁଟ ଉପରକୁ ଉଠି ଯାଇଥିଲା ବୋଲି ଜଣାପଡିଛି ।
ପରେ ଚାହୁଁ ଚାହୁଁ ନିମିଷକ ମଧ୍ୟରେ ନିଆଁ ଚାରିଆଡେ ବ୍ୟାପି ଯାଇଥିଲା। ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରୁଥିବାବେଳେ ଘଟଣାରେ ଜଣେ ପୁରୁଷ ଓ ଦୁଇ ଜଣ ମହିଳା ଆହତ ହୋଇଥିବା ସୂଚନା ମିଳିଛି । ଏହାଛଡା ଅଗ୍ନିକାଣ୍ଡରେ 8 ବଖରା ଘର ଜଳି ପୋଡି ପାଉଁଶ ହୋଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
