ଭଦ୍ରକ: ଆରମ୍ଭ ହେଲାଣି ଡାଳୁଅ ଧାନ ଚାଷ । ପାଣି ପାଇଁ ଏବେ ଡହଳବିକଳ ହେଉଛନ୍ତି ଚାଷୀ । ତେବେ ଲୁଣା ପାଣିରୁ ଚାଷ ରକ୍ଷା କରିବା ପାଇଁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେଇଛନ୍ତି ଚାଷୀ। ଖବର ଅନୁଯାୟୀ ଖରାଟିଆ ଚାଷ ପାଇଁ ଡାଳୁଅ ଧାନ ଚାଷ କରାଯାଇଥାଏ । ସାଳନ୍ଦି ନଦୀର ପାଣି ଚାଷ ଉପଯୋଗୀ ହୋଇଥିବା ବେଳେ ଏଥର ନଦୀର ବିଭିନ୍ନ ସ୍ଥାନରେ ଅବରୋଧ ଯୋଗୁଁ ଖରାଟିଆ ଚାଷ ହୋଇପାରୁ ନାହିଁ । ଫଳରେ ଜମିକୁ ଲୁଣା ପାଣି ମାଡି ଚାଷ ନଷ୍ଟ ହେବାକୁ ବସିଲାଣି ।
ହଦଗଡ ଡ୍ୟାମରୁ ପାଣି ଛାଡିବାକୁ ଚାଷୀଙ୍କ ଦାବୀ
ଏମିତି ସ୍ଥିତିରେ ଚାଷ ଜମିକୁ ପାଣି ଯୋଗାଇଦେବା ସହ ସାଳନ୍ଦି ନଦୀରେ ଅବରୋଧ ହଟାଇବା ଓ ଜବରଦଖଲ ଉଠାଇବା ଦାବିରେ ଚାଷୀମାନେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧରଣା ଦେଇଥିଲେ । ଏହା ସହ ଚାଷ ପାଇଁ ହଦଗଡ ଡ୍ୟାମରୁ ପାଣି ଯୋଗାଇବା ପାଇଁ ମଧ୍ୟ ଦାବି ହୋଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
