ଭଦ୍ରକ: ଓଡିଶାରେ ତାଣ୍ଡବ ମଚାଇ ଫେରି ଯାଇଛି ବାତ୍ୟା ‘ଫନି’ । ଫନି ଚାଲିଗଲା ଫରେ ଚାରିଆଡେ କେବଳର କ୍ଷୟକ୍ଷତିର ସୂଚନା ଆସୁଛି । ଭଦ୍ରକ ଜିଲ୍ଲାର ଚାନ୍ଦବାଲିରେ ବ୍ୟାପକ କ୍ଷୟକ୍ଷତି ହୋଇଛି । ବ୍ଲକର ମୋଟ୍ 36ଟି ପଞ୍ଚାୟତ କ୍ଷତିଗ୍ରସ୍ତ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ବିଶେଷ କରି କଇଥକୋଲା, କରଞ୍ଜମାଳ, ଦୋଷୀଙ୍ଗା ଏବଂ କରଣପଲ୍ଲୀ ଆଦି ପଞ୍ଚାୟତରେ ମାଟି ଘର ଗୁଡିକ ଭାଙ୍ଗିଯିବା ସହ ଅନେକ ବଡବଡ ଗଛ ଗୁଡିକ ଭାଙ୍ଗିଯାଇଛି । ଏଥିସହ ଅଧିକାଂଶ ସ୍ଥାନରେ ବିଦ୍ୟୁତ ଖୁଣ୍ଟି ସବୁ ଭାଙ୍ଗି ଯାଇଥିବାରୁ ବିଜୁଳି ସରବରାହ ସମ୍ପୂର୍ଣ୍ଣ ଭାବେ ଠପ ହୋଇଯାଇଥିବା ଜଣାପଡିଛି । ସ୍ଥିତିକୁ ସାମାନ୍ୟ କରିବା ପାଇଁ ବିଦ୍ୟୁତ ବିଭାଗ ଏବଂ ଅଗ୍ନିଶମ ବିଭାଗ ପକ୍ଷରୁ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରାଯାଉଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
