ଭଦ୍ରକ: ଜିଲ୍ଲା ଚାନ୍ଦବାଲି ବ୍ଲକ ବଂଶଡା ଥାନା ଅଧିନ ଘଣ୍ଟେଶ୍ୱର ଗାରଡ଼ପୁର ଗାଁରେ ବଧୂ ହତ୍ୟା ଅଭିଯୋଗ । ନରେନ୍ଦ୍ରପୁର ଗାଁର ବିଜୟ ନାୟକଙ୍କ ଝିଅ ପଦ୍ମଲତା ବିଶ୍ୱାଳ ଗାରଡ଼ପୁର ଗାଁ ଗାଣ୍ଡୁଆ ବିଶ୍ୱାଳଙ୍କୁ ବୈଦିକ ରୀତିରେ ବିବାହ କରିଥିଲେ । ମୃତ ପଦ୍ମଲତା ବିଶ୍ୱାଳଙ୍କ 12 ବର୍ଷର ଗୋଟିଏ ପୁଅ ଓ 8 ବର୍ଷର ଗୋଟିଏ ଝିଅ ମଧ୍ୟ ରହିଛି । ପଦ୍ମଳତାଙ୍କ ସ୍ୱାମୀ ଜଣେ ଦିବ୍ୟାଙ୍ଗ ଅଟନ୍ତି । ସମ୍ପତ୍ତିି ଲୋଭରେ ଗାଣ୍ଡୁଆ ବିଶ୍ୱାଳଙ୍କ ଭାଇ ପପୁ ବିଶ୍ୱାଳ ପଦ୍ମଲତାଙ୍କୁ ମାରି ଦେଇଛନ୍ତି ବୋଲି ଅଭିଯୋଗ କରଛନ୍ତି ମୃତ ପଦ୍ମଲତାର ମା ମଲ୍ଲୀ ନାୟକ ।
ଏଥିସହ ଏହି ବଧୂହତ୍ୟା ଘଟଣାକୁ ଚପାଇ ଦେବାକୁ କିଛି ଦଲାଲଙ୍କ ମାଧ୍ୟାମରେ ଅଭିଯୁକ୍ତ ପପୁ ବିଶ୍ୱାଳ ମୃତକ ପଦ୍ମଲତାଙ୍କ ବାପ ଘର ଲୋକଙ୍କୁ ଧରି ଚାପ ସୃଷ୍ଟି କରୁଥିବା ସୂଚନା ମିଳିଛି । ଖବରପାଇ ବଂଶଡା ଥାନା ଅଧିକାରୀ ଓ ଘଣ୍ଟେଶ୍ୱର ଫାଣ୍ଡି ଅଧିକାରୀ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛନ୍ତି । ତେବେ ଏନେଇ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
