ଭଦ୍ରକ: ନିଖୋଜ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର । ଭଦ୍ରକ ସହର ଚରମ୍ପା ଡାହାଣୀଗଡ଼ିଆ ସ୍ଥିତ ବ୍ରିଜ ନିକଟ ଏକ ପରିତ୍ୟକ୍ତ ଘରୁ ଏହି ମୃତ ଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି l
ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ
ତେବେ ମୃତକ ହେଲେ ଡାହାଣୀ ଗଡ଼ିଆ ମଠସାହି ଅଞ୍ଚଳର କାଳିଆ ଦାସ । ଖବର ଅନୁଯାୟୀ, କାଳିଆ ଚଳିତ ମାସ ଦୁଇ ତାରିଖରୁ ନିଖୋଜ ଥିଲେ । ଏନେଇ ପରିବାର ପକ୍ଷରୁ ସଦର ଥାନାରେ ଅଭିଯୋଗ ହୋଇଥିଲା ।
ତେବେ ଝୁଲନ୍ତା ଅବସ୍ଥାରେ ଏକ ପରିତ୍ୟକ୍ତ ଘରୁ କାଳିଆର ମୃତ ଦେହ ଥିବା ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତ ଦେହକୁ ଜବତ କରି ବ୍ୟବଚ୍ଛେଦ ପାଇଁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲା । ବ୍ୟବଚ୍ଛେଦ ରିପୋର୍ଟ ଓ ପୋଲିସର ତଦନ୍ତ ପରେ ଏହି ଘଟଣାର ପ୍ରକୃତ କାରଣ ଜଣାପଡିବ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
