ଭଦ୍ରକ: ବେଆଇନ ରାସ୍ତା ଜବରଦଖଲ ବିରୋଧରେ ଅଙ୍ଗନୱାଡି ଛାତ୍ରଛାତ୍ରୀଙ୍କ ଧାରଣା । ଭଦ୍ରକ ଚାନ୍ଦବାଲି ବ୍ଲକ ବିଜୟନଗର ପଞ୍ଚାୟତର ଚାନ୍ଦକୁଡ଼ା ସ୍କୁଲ ଓ ଅଙ୍ଗନୱାଡ଼ି କେନ୍ଦ୍ରକୁ ଯାତାୟତ କରୁଥିବା ରାସ୍ତାକୁ କିଛି ଲୋକ ଜବରଦଖଲ କରିଛନ୍ତି । ଯାହା ଫଳରେ ଯାତାୟତରେ ବାଧା ସୃଷ୍ଟି ହେଉଛି । ଏହାର ପ୍ରତିବାଦ କରି ଗୁରୁବାର ଅଙ୍ଗନୱାଡ଼ି କେନ୍ଦ୍ରର କୁନିକୁନି ପିଲାମାନେ ରାସ୍ତା ଉପରେ ଅଭିନବ ଭାବେ ପ୍ରତିବାଦ କରିବା ସହ ଧାରଣା ଦେଇଥିବା ଜଣାପଡିଛି ।
ଭିଡିଓ ସୌଜନ୍ୟ:ସମ୍ବାଦଦାତା, ଭଦ୍ରକ
ତେବେ ପୂର୍ବରୁ ଏନେଇ ଗ୍ରାମବାସୀ ତହସିଲଦାର ଏବଂ ସିଡ଼ି଼ପିଓଙ୍କ ନିକଟରେ ବାରମ୍ବାର ଅଭିଯୋଗ କରିଥିଲେ ସୁଦ୍ଧା ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିଲା । ତେଣୁ ଏହାର ପ୍ରତିବାଦ ସ୍ବରୁପ ଗୁରୁବାର ଛାତ୍ରଛାତ୍ରୀ ରାସ୍ତା ଉପରେ ଧାରଣା ଦେଇଥିବା ସୂଚନା ମିଳିଛି।
ଭଦ୍ରକରୁ ଦେବାଶିଷ୍ ମହାପାତ୍ର, ଇଟିଭି ଭାରତ
