ଭଦ୍ରକ: ଭକ୍ତଙ୍କ ପାଇଁ ଜିଲ୍ଲାରେ ଖୋଲିବ ସମସ୍ତ ଧର୍ମାନୁଷ୍ଠାନ । ଆସନ୍ତା 23 ତାରିଖରୁ ଖୋଲିବ ବାବା ଆଖଣ୍ଡଳମଣିଙ୍କ ମନ୍ଦିର ସହ ଜ଼ିଲ୍ଲାର ସମସ୍ତ ଧାର୍ମିକ ଅନୁଷ୍ଠାନ ଗୁଡିକ ଭକ୍ତ ମାନଙ୍କ ପାଇଁ ଖୋଲାଯିବ । କୋଭିଡ କଟକଣା ମଧ୍ୟ ଧର୍ମାନୁଷ୍ଠାନ ଗୁଡିକ ଖୋଲିବ । ମନ୍ଦିରକୁ ପ୍ରବେଶ ସମୟରେ କୋରୋନା କଟକଣାକୁ ମାନିବାକୁ ଭକ୍ତଙ୍କୁ ନିର୍ଦ୍ଦେଶ ଦିଆଯାଇଛି ।
ପ୍ରତ୍ୟେକ ଦିନ ସକାଳ 6 ରୁ ରାତି 8 ଘଟିକା ପର୍ଯ୍ୟନ୍ତ ମନ୍ଦିର ଗୁଡିକ ଭକ୍ତ ମାନଙ୍କ ପାଇଁ ଖୋଲା ରହିବ । ପରିମଳ ଉଦ୍ଦେଶ୍ୟରେ ପ୍ରତ୍ୟେକ ଶନିବାର ବାବା ଆଖଣ୍ଡଳମଣିଙ୍କ ମନ୍ଦିର ଭକ୍ତ ଓ ସାଧାରଣ ଜନତାଙ୍କ ପାଇଁ ବନ୍ଦ ରହିବ ବୋଲି ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି । କୋରୋନା କଟକଣା ପାଇଁ ଦୀର୍ଘ ମାସ ଧରି ଜ଼ିଲ୍ଲାରେ ସମସ୍ତ ଧାର୍ମିକ ଅନୁଷ୍ଠାନ ଗୁଡିକ ବନ୍ଦ ରହିଥିଲା।
ଆସନ୍ତା 23ରୁ ଭଦ୍ରକ ଜିଲ୍ଲାରେ ଖୋଲିବ ସମସ୍ତ ଧାର୍ମିକ ଅନୁଷ୍ଠାନ
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
