ଭଦ୍ରକ: ପୁଣି ଚାନ୍ଦବାଲିରେ ଲଜ୍ୟା । ଜଣେ ନାବାଳିକା କଲେଜ ଛାତ୍ରୀଙ୍କୁ 4 ଜଣ ଯୁବକଙ୍କ ଗଣଦୁଷ୍କର୍ମ ଘଟଣାକୁ 1 ସପ୍ତାହ ବିତି ନଥିବା ବେଳେ ପୁଣି ଗତ ମଙ୍ଗଳବାର ଚାନ୍ଦବାଲି ବ୍ଲକ ଦୋସିଙ୍ଗା ପଞ୍ଚାୟତର ରବିନ୍ଦ୍ର ନଗରରେ ଜୈନିକା ନାବାଳିକାକୁ 2 ଜଣ ଯୁବକ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
ସୂଚନା ଅନୁଯାୟୀ, ରବିନ୍ଦ୍ର ନଗରର ଅରବିନ୍ଦ ଦଳପତିଙ୍କ ନାବାଳିକା ଝିଅ ଗତ ମଙ୍ଗଳବାର ସନ୍ଧ୍ୟାରେ ଦୋସିଙ୍ଗା ବଜାରରୁ ଫେରୁଥିବା ବେଳେ 2ଜଣ ଯୁବକ ତାପସ ସାହୁ ଓ ଦିପକ ଖଟୁଆ ଏକ ମୋଟର ସାଇକେଲରେ ନାବାଳିକାକୁ ଉଠାଇ ନେଇଥିଲେ । ଏହାପରେ ଏକ ନିଛାଟିଆ ସ୍ଥାନରେ ନାବାଳିକା ସହ ଦୁଷ୍କର୍ମ କରିଥିଲେ ।
ନାବାଳିକା ଜଣକ ଗରୁତର ଅବସ୍ଥାରେ ଘରକୁ ଫେରି ଏସମ୍ପର୍କରେ ଘର ଲୋକଙ୍କୁ ଜଣାଇଥିଲେ। ଝିଅ ଠାରୁ ସବୁ କଥା ଶୁଣିବା ପରେ ନାବାଳିକାର ପିତା ତୁରନ୍ତ ଧାମରା ଥାନାରେ ଏନେଇ ଅଭିଯୋଗ କରିଥିଲେ । ଅଭିଯୋଗ ଆଧାରରେ ଧାମରା ପୋଲିସ 2 ଅଭିଯୁକ୍ତ ତାପସ ସାହୁ ଓ ଦିପକ ଖଟୁଆକୁ ଗିରଫ କରି ଅଧିକ ତଦନ୍ତ ଆରମ୍ଭ କରିଛି।
ଭଦ୍ରକରୁ ଦେବାଶିଷ୍ ମହାପାତ୍ର, ଇଟିଭି ଭାରତ
