ଭଦ୍ରକ: ଚାନ୍ଦବାଲି ବାଲୁକି ଛକରେ ଚିଙ୍ଗୁଡି ବ୍ୟବସାୟୀଙ୍କୁ ବୋମା ମାଡ । ଘଟଣାରେ 2 ଜଣ ଗୁରୁତର ହୋଇଥିବାବେଳେ ଉଭୟଙ୍କୁ କଟକ ସ୍ଥାନାନ୍ତର କରାଯାଇଛି । ସେମାନେ ହେଲେ ସ୍ଥାନୀୟ ଯୋଗୀ ପୋଖରୀ ଗାଁର ବିଦ୍ୟାଧର ସାମଲ ଓ ସୁଦର୍ଶନ ସେଠୀ ।
ସୂଚନାଯୋଗ୍ୟ, ଗତକାଲି ବିଳମ୍ବିତ ରାତିରେ ଚାନ୍ଦବାଲି-ଧାମରା ରାସ୍ତା ବାଲୁକିରି ନିକଟରେ ବ୍ୟବସାୟୀ ଜଣଙ୍କ ନିଜ ଚିଙ୍ଗୁଡି ପୋଖରୀ ପାଖରେ ଛିଡା ହୋଇଥିଲେ । ଏହି ସମୟରେ କିଛି ଯୁବକ ତାଙ୍କ ଉପରକୁ 3ଟି ବୋମାମାଡ କରିଥିଲେ । ତେବେ ଘଟଣାସ୍ଥଳରେ 5 ଜଣ ଥିବାବେଳେ ଏଥିରେ ବିଦ୍ୟାଧର ସାମଲ ଓ ସୁର୍ଦଶନ ସେଠୀ ଗୁରୁତର ଆହତ ହୋଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ତେବେ ଆହତଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ପ୍ରଥମେ ଚାନ୍ଦବାଲି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଅଣାଯାଇଥିଲା । ଏହା ପରେ ଅବସ୍ଥା ଗୁରୁତର ହେବାରୁ କଟକକୁ ଅଣାଯାଇଛି ।
ସେପଟେ ବୋମା ମାଡର କାରଣ ଜଣାପଡିନଥିବା ବେଳେ ଘଟଣାର ତଦନ୍ତ କରୁଛି ପୋଲିସ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
