ଭଦ୍ରକ: ଗ୍ରାମାଞ୍ଚଳ ଥାନା ଅନ୍ତର୍ଗତ ରାଣିତାଲ ଏଫସିଆଇ ଗୋଦାମ ନିକଟସ୍ଥ ଏକ ଘରୁ ଜୁଆ ଖେଳୁଥିବା 5 ଜଣ ଜୁଆଡ଼ିଙ୍କୁ ଗିରଫ କରିଛି ପୋଲିସ । ସେମାନଙ୍କ ଠାରୁ ପୋଲିସ ତାସ, 5ଟି ମୋବାଇଲ ଓ 12 ହଜାର 80 ଟଙ୍କା ଜବତ କରିଛି ।
ଭିଡିଓ ସୌଜନ୍ୟ : ସମ୍ବଦଦାତା, ଭଦ୍ରକ
ସୂଚନା ଅନୁଯାୟୀ ଗିରଫ ଜୁଆଡ଼ି ମାନେ ହେଲେ ବାଲେଶ୍ବର କୋରେଇ ଗ୍ରାମର ଆଦି ନାରାୟଣ ରାଓ, ଚରମ୍ପା ପଥରଆଡ଼ି ଗ୍ରାମର ରଂଜିତ କୁମାର, ଚରମ୍ପା ଅଞ୍ଚଳର ଚିରଂଜୀବ ରାଓ ଓ ରାଜା ରାଓ, ତିହିଡ଼ି ବ୍ଲକ ଶଂଖିଡ଼ା ଗ୍ରାମର ଶିବନାଥ ମହାନ୍ତି ବୋଲି ଜଣାପଡିଛି । ଏକ ବିଶ୍ବସ୍ତ ସୂତ୍ରରୁ ଖବର ପାଇ ଉପରୋକ୍ତ ବ୍ୟକ୍ତି ଏକ ଘରେ ଜୁଆ ଖେଳୁଥିବା ବେଳେ ପୋଲିସ ଚଢ଼ାଉ କରି ସେମାନଙ୍କୁ ଗିରଫ କରିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
