ବରଗଡ: ଆଜି ବିଶ୍ଵ ମୃତ୍ତିକା ଦିବସ । ଏହି ଅବସରରେ ବରଗଡ ବିଜୁ ପଟ୍ଟନାୟକ ହଲରେ ବରଗଡ ଜିଲ୍ଲା କୃଷି ବିଭାଗ ପକ୍ଷରୁ ଏକ ଆଲୋଚନାଚକ୍ରର ଆୟୋଜନ କରାଯାଇଥିଲା । ବରଗଡ ଜିଲ୍ଲାର ଚାଷୀଙ୍କୁ ମୃତ୍ତିକା ଉପରେ ଯତ୍ନବାନ ହୋଇ ମାଟିର ସ୍ୱାସ୍ଥ୍ୟ ପରୀକ୍ଷା କରାଇବା ଏବଂ ବିଭିନ୍ନ ଜୈବିକ ଖତ ଓ ସାରର ଉପଯୋଗକୁ ଅଧିକ ଗୁରୁତ୍ୱ ଦେବା ବିଷୟରେ ଆଲୋଚନା କରାଯାଇଥିଲା ।
ଏହି କାର୍ଯ୍ୟକ୍ରମରେ ବରଗଡ ସାଂସଦ ସୁରେଶ ପୁଜାରୀ ଓ ବରଗଡ ଜିଲ୍ଲାପାଳ ଜ୍ୟୋତିରଞ୍ଜନ ପ୍ରଧାନ ଯୋଗ ଦେଇଥିଲେ ।
ବରଗଡ ଜ଼ିଲ୍ଲାର ପ୍ରାୟ 100 ଜଣ ଚାଷୀ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ । ଚାଷୀଙ୍କୁ ନିଜ ବିଲର ମାଟି ପରୀକ୍ଷା କରି ମାଟିରେ କେଉଁ ଉପାଦାନ କମ ରହିଛି ସେହି ଅନୁଯାୟୀ ସାର ଓ ଖତ ବ୍ୟବହାର କରିବାକୁ ପରାମର୍ଶ ଦିଆଯାଇଥିଲା ।
ଏପରି କରିବା ଦ୍ଵାରା ଭଲ ଫସଲ ହେବା ସହିତ ପୋକ ଜୋକ ଜନିତ ମାଧ୍ୟ ରକ୍ଷା ପାଇପାରିଥାଏ । ସେଥିପାଇଁ ଚାଷୀଙ୍କୁ ମାଟି ପରୀକ୍ଷା କରାଇବାକୁ ଅଧିକ ଗୁରୁତ୍ଵ ଦେବାକୁ ପରାମର୍ଶ ଦିଆଯାଇଛି ।
ବରଗଡରୁ ରାଜେଶ ସରାପ, ଇଟିଭି ଭାରତ