ବରଗଡ଼: ଗଣ୍ଡଗୋଳ ନେଲା ଭୟଙ୍କର ରୂପ । ରକ୍ତ ସମ୍ପର୍କକୁ ହତ୍ୟା କରିବାକୁ ପଛାଇଲାନି ପୁତୁରା । ପୁତୁରା ଆକ୍ରମଣରେ କକା ଓ ସମ୍ପର୍କୀୟ ଭାଇର ମୃତ୍ୟୁ ଘଟିଛି । ବରଗଡ଼ ଜିଲ୍ଲା ଗୋଡଭାଗାରେ ଘଟିଛି ଏହି ବୀଭତ୍ସ ହତ୍ୟାକାଣ୍ଡ ।
ସୂଚନା ଥାଉକି, କୌଣସି କାରଣକୁ ନେଇ ଏକ ବାହାଘରରେ ଉଭୟ କକା ଓ ପୁତୁରାଙ୍କ ମଧ୍ୟରେ ଗଣ୍ଡଗୋଳ ଏକ ଭୟାବହ ରୂପ ନେଇଥିଲା । ନିଜ ପୁତୁରା କକା ଏବଂ କକା ପୁଅ ଭାଇଙ୍କୁ ମରଣାନ୍ତକ ଆକ୍ରମଣ କରିଥିଲା ଅଭିଯୁକ୍ତ । ଏହାସହ ଭାଉଜକୁ ମଧ୍ୟ ଆକ୍ରମଣ କରିଥିଲା ଅଭିଯୁକ୍ତ କମଳ ସିନ୍ଧିରିଆ । ଫଳରେ ଘଟଣା ସ୍ଥଳରେ କକା ଦେଵ ସିନ୍ଧିରିଆଙ୍କର ମୃତ୍ୟୁ ହୋଇଥିବା ବେଳେ ପୁଅ ରତନ ସିନ୍ଧିରିଆ(୨୭)ଙ୍କର ହସ୍ପିଟାଲ ନେବା ବାଟରେ ମୃତ୍ୟୁ ହୋଇଛି ।
ତେବେ ମହିଳା ଜଣକ ଗୁରୁତର ଅବସ୍ଥାରେ ବୁର୍ଲାରେ ଚିକିତ୍ସିତ ହେଉଛନ୍ତି । ଅନ୍ୟପଟେ ହତ୍ୟାକାରୀକୁ ପୋଲିସ ଗିରଫ କରି ବରଗଡ଼ ଟାଉନ ଥାନାରେ ଅଟକ ରଖିଛି । ସାମାନ୍ୟ କଥାକୁ ନେଇ ହତ୍ୟାକାରୀ କମଳ ଘରେ ଗଣ୍ତଗୋଳ କରିଥିବା ଜଣାପଡିଛି ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
