ବରଗଡ: କୋରୋନାରେ ଆକ୍ରାନ୍ତଙ୍କ ସଂଖ୍ୟା ଓଡିଶାରେ ଦିନକୁ ଦିନ ବଢିଚାଲିଛି । ଏଥିପାଇଁ ସାମାଜିକ ଦୁରତ୍ଵକୁ ମଧ୍ୟ ଅଧିକ ଗୁରୁତ୍ଵ ଦେଇଛି ବରଗଡ ଜିଲ୍ଲା ପୋଲିସ । ଏନେଇ ଏସପି ଏକ ସାମ୍ବାଦିକ ସମ୍ବିଳନୀରେ ବରଗଡର ଜନସାଧାରଣଙ୍କୁ ସାବଧାନତା ଓ ସଚେତନତା ଅବଲମ୍ବନ କରିବାକୁ କହିଛନ୍ତି । ଅତି ଜରୁରୀ ନ ଥିଲେ ବାହାରକୁ ନ ଆସିବାକୁ ବାରଣ କରିଛନ୍ତି ଏସପି । ଅନ୍ୟପଟେ ଦୋକାନ ଗୁଡିକରେ ଲୋକଙ୍କ ଭିଡ ଅଧିକ ରହୁଥିବାରୁ ବୁଧବାର ଠାରୁ କଡା ପଦକ୍ଷେପ ନିଆଯିବ ବୋଲି କହିଛନ୍ତି ।
ବୁଧବାର ଠୁ ବରଗଡରେ ଲାକ ଡାଉନ ହେବ କଡାକଡି
ସହରରେ ଥିବା ପନିପରିବା ଓ ତେଜରାତି ଦୋକାନ ଗୁଡିକୁ ସକାଳ ୧୦ଟାରେ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି । ସେହିପରି ତେଜରାତି ଦୋକାନୀ ଗୁଡିକ ଗ୍ରାହକଙ୍କ ମଧ୍ୟରେ ସାମାଜିକ ଦୁରତ୍ଵ ନ ରଖିଲେ, ଦୋକାନକୁ ଲକଡାଉନ ଶେଷ ହେବା ପର୍ଯ୍ୟନ୍ତ ସମ୍ପୂର୍ଣ୍ଣ ସିଲ କରି ଦିଆଯିବ ବୋଲି ଚେତାବନୀ ଦିଆଯାଇଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
