ବରଗଡ: ସଦର ଥାନା ଅନ୍ତର୍ଗତ ପଥଲ୍ଲା ନିକଟରେ ରାଜରାସ୍ତା ଉପରେ ସଡକ ଦୁର୍ଘଟଣା ଘଟି ଦୁଇ ଜଣଙ୍କ ମୃତ୍ୟୁ ଘଟିଛି । ଏକ ବାଇକକୁ ଟ୍ରକ ଧକ୍କା ଦେଇ ଫେରାର ହୋଇଯାଇଥିବା ବେଳେ ଘଟଣା ସ୍ଥଳରେ ଶଳା ଓ ଭିଣୋଇଙ୍କର ମୃତ୍ୟୁ ହୋଇଛି । ମୃତକ ଦୁଇ ଜଣଙ୍କ ମଧ୍ୟରୁ ଜଣେ ବିଜେପୁର ବ୍ଲକ ପଡ଼ାର ହୋଇଥିବା ବେଳେ ଅନ୍ୟଜଣେ ସରକଣ୍ଡା ଗ୍ରାମର ବୋଲି ଜଣାପଡିଛି ।
ଖବର ପାଇ ଘଟଣାସ୍ଥଳକୁ ପୋଲିସ ପହଞ୍ଚି ତଦନ୍ତ ଜାରି ରଖିଛି । ପୋଲିସ ସୂଚନା ମୁତାବକ, ଜାତୀୟ ରାଜପଥରେ ଦୁଇ ଶଳା ଓ ଭିଣୋଇ ବାଇକ ଯୋଗେ ସୋହେଳାରୁ ବରଗଡ ପଟକୁ ଆସୁଥିବା ବେଳେ ଏକ ଅଜଣା ଟ୍ରକ ଧକ୍କା ଦେଇଥିଲା । ଫଳରେ ସେମାନଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି । ସେପଟେ ଉତ୍ୟକ୍ତ ସ୍ଥାନୀୟ ଲୋକେ ରାସ୍ତା ରୋକ କରିଥିଲେ । ପରେ ପୋଲିସ ଲୋକଙ୍କୁ ବୁଝାସୁଝା କରିବାରେ ସଫଳ ହୋଇଥିଲା ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
