ବରଗଡ:ଟାଉନ ଥାନା ପୋଲିସକୁ ମିଳିଛି ବଡ ସଫଳତା । ଗାଡି ଚୋରି କରୁଥିବା ଏକ ବଡ ରାକେଟକୁ ଧରିବାରେ ସଫଳ ହୋଇଛି ବରଗଡ ପୋଲିସ । 5 ଜଣ ଗାଡି ଚୋରକୁ କରିଛି କାବୁ ।
5 ଜଣ ଚୋରକୁ ଧରିବା ସହ 4 ଟି ଚାରିଚକିଆ ଯାନ, ଗୋଟେ ସୁନା ଚେନ, 18ଟି ମୋବାଇଲ, 2ଟି ମୋଟରସାଇକେଲ, 2ଟି ଛୁରୀ ସହିତ ନଗଦ 4800 ଟଙ୍କା ଜବତ କରିଛି ପୋଲିସ ।
ବରଗଡ ପୋଲିସର ବଡ ସଫଳତା
ଏହି ଚୋର ଗ୍ୟାଙ୍ଗ ବରଗଡ ସହର ସମେତ ଅତାବିରା ଅଞ୍ଚଳରେ କିଛିଦିନ ହେବ ଅନେକ ଗାଡି ଚୋରି କରିବା ସହିତ ଲୁଟପାଟ ଚଳାଇଥିଲେ । ତେବେ ଗୁରୁବାର ପୋଲିସ ଏମାନଙ୍କୁ ଧରିବାରେ ସଫଳ ହୋଇଥିବା ବରଗଡ ଏସପି ପଦ୍ମିନୀ ସାହୁ କହିଛନ୍ତି ।
ଗିରଫ ଅଭିଯୁକ୍ତମାନେ ହେଲେ ବରଗଡ ଥାନା ଅଞ୍ଚଳର ମଗଶିର ମହାନନ୍ଦ, ରାଜା ହାତୀ ଓରଫ୍ ଗୋଲୁ, ପ୍ରଧାନପାଳି ଗ୍ରାମର କିଶୋର ମେହେର, ରୋହିତ ମେହେର ଓ ବିଜେ ବାଗ । ଗିରଫ ପରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
