ବରଗଡ଼: ବରଗଡ଼ ସହର ସ୍ଥିତ ହଳଦିପାଲି ଛକରେ ଏକ ଯାତ୍ରୀବାହୀ ବସ ଏବଂ କାର ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଫଳରେ ଜଣେ କାର ଆରୋହୀଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ତିନି ଜଣ ଗୁରୁତର ଭାବେ ଆହତ ହୋଇଛନ୍ତି । ମୃତକ ଜଣକ ହେଲେ ବରଗଡ଼ ପୌରପରିଷଦ ଅଧିନସ୍ଥ ୱାର୍ଡ ନଂ-୧୩ ବାସିନ୍ଦା ଭକ୍ତ ଗୁର୍ଲା(୨୮) । ଗୁରୁତରମାନେ ହେଲେ ବରଗଡ଼ ୱାର୍ଡ ନଂ- ୮ର ଲଳିତ ସୁନା (୧୮), ୱାର୍ଡ ନଂ-୭ର ନୀତିନ ଦାସ(୩୧) ଓ ଶୁଭମ ସାହୁ(୨୫) ବୋଲି ଜଣାପଡ଼ିଛି ।
କାର-ବସ୍ ମୁହାଁମୁହିଁ ଧକ୍କା, ଜଣେ ମୃତ ତିନି ଗୁରୁତର
ସମସ୍ତ ଆହତଙ୍କୁ ୧୦୮ ଆମ୍ବୁଲାନ୍ସ ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଏମାନଙ୍କ ମଧ୍ୟରୁ ଶୁଭମ ଏବଂ ନିତିନଙ୍କ ସ୍ବାସ୍ଥ୍ୟବସ୍ଥା ଗୁରୁତର ଥିବାରୁ ସେମାନଙ୍କୁ ଭୀମସାର, ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ତେବେ ଚାରିଜଣ ଯୁବକ ସାଙ୍ଗହୋଇ ଏକ କାରରେ ବାହାରକୁ ଯାଇ ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
