ବରଗଡ: ଜାପାନିଜ ଏନସେଫାଲାଇଟିସ ରୋଗ ବରଗଡ ଜିଲ୍ଲାରେ ନିଜର କାୟା ବିସ୍ତାର କରିବାରେ ଲଗିଛି । ଖାସ କରି ଛୋଟ ଛୋଟ ପିଲା ଏହି ରୋଗର ଶିକାର ହେଉଛନ୍ତି । ତେବେ ଏହାକୁ ଦୃଷ୍ଟିରେ ରଖି ଜିଲ୍ଲାରେ ୧୫ ବର୍ଷ ଏବଂ ତାଠାରୁ କମ ବୟସର ସମସ୍ତ ପିଲାଙ୍କୁ ପ୍ରତିଷେଧକ ଟୀକା ଦିଆଯିବ ବୋଲି ଜିଲ୍ଳା ମୁଖ୍ୟ ଚିକିତ୍ସାଧିକାରୀ ସୂଚନା ଦେଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ବରଗଡ଼ ଜିଲ୍ଳାରେ ପ୍ରାୟ 3 ଲକ୍ଷ ୧୮ ହଜାର ୩୨୬ ପିଲାଙ୍କୁ ଜାପାନିଜ ଏନସେଫାଲାଇଟିସ ପ୍ରତିଷେଧକ ଟୀକା ଦିଆଯିବ । ନଭେମ୍ବର ୧୧ ତାରିଖରୁ ଡ଼ିସେମ୍ବର ୧୦ ତାରିଖ ପର୍ଯ୍ୟନ୍ତ ଜିଲ୍ଳାର ସମସ୍ତ ବିଦ୍ୟାଳୟ ଏବଂ ଟୀକାକରଣ କେନ୍ଦ୍ରରେ ଟିକାକରଣର ବ୍ୟବସ୍ଥା କରାଯିବ । ବୁଧବାର ଏବଂ ଛୁଟିଦିନ ବ୍ୟତୀତ ଅନ୍ୟ ଦିନ ମାନଙ୍କରେ ମଧ୍ୟ ସମସ୍ତ ପିଲାଙ୍କୁ ଏହି ଟୀକା ଦିଆଯିବ ।
