ବରଗଡ଼: କୃଷି ଆଇନ ପ୍ରତ୍ୟାହାର ଦାବିରେ ଦୀର୍ଘଦିନ ଧରି ଲାଗି ରହିଛି ଆନ୍ଦୋଳନ । ତେବେ ଏନେଇ ଆରମ୍ଭ ହୋଇଥିବା କୃଷକ ଅଧିକାର ଯାତ୍ରାକୁ ବରଗଡ ଗାନ୍ଧୀ ଛକଠାରେ ସମ୍ବର୍ଦ୍ଧିତ କରିଛନ୍ତି ପଶ୍ଚିମ ଓଡିଶା କୃଷକ ସଂଗଠନ ସମନ୍ଵୟ ସମିତି, ଜୟ କିଷାନ ଆନ୍ଦୋଳନ ଏବଂ ଶହ ଶହ ଚାଷୀ ।
କୃଷକ ଅଧିକାର ଯାତ୍ରାକୁ ବରଗଡରେ ବିପୁଳ ସମ୍ବର୍ଦ୍ଧନା
କେନ୍ଦ୍ର ସରକାରଙ୍କ ତିନି ଗୋଟି କୃଷି ଆଇନକୁ ବିରୋଧ କରି ସମଗ୍ର ଦେଶରେ ଚାଷୀ ଆନ୍ଦୋଳନ ତେଜି ଥିବା ବେଳେ ଏହାର ସମର୍ଥନରେ ଓଡ଼ିଶାର ୧୨ ଗୋଟି କୃଷକ ସଙ୍ଗଠନ ମିଳିତ ହୋଇ ଆରମ୍ଭ କରିଛନ୍ତି କୃଷକ ଅଧିକାର ଯାତ୍ରା । ଏହି ଯାତ୍ରାଟି ଗତ ୧୨ ତାରିଖଠାରୁ ବାହାରି ଥିବା ବେଳେ ଆସନ୍ତା ୨୩ ତାରିଖ ପର୍ଯ୍ୟନ୍ତ ଓଡ଼ିଶାର ୨୦ ଜିଲ୍ଲା ପରିକ୍ରମା କରିବ ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
