ବରଗଡ: ଆଗକୁ ଆସୁଛି ଆଲୋକର ପର୍ବ ଦୀପାବଳି । ଚଳିତ ବର୍ଷ ଦୀପାବଳିରେ ରାଜ୍ୟ ସରକାର ବାଣ ବିକ୍ରି ତଥା ବାଣ ଫୋଟାଇବା ଉପରେ କଟକଣା ଜାରି କରିଛନ୍ତି । କିନ୍ତୁ ରାଜ୍ୟରେ ବେଆଇନ ବାଣ ବିକ୍ରି ଖବର ସାମ୍ନାକୁ ଆସୁଛି । ଏଭଳି ଏକ ଖବର ସାମ୍ନାକୁ ଆସିଛି ବରଗଡ ଜିଲ୍ଲା ବରପାଲିରୁ, ବେଆଇନ ଭାବରେ ବିକ୍ରି କରାଯାଉଥିବା ବାଣ ଫୋଟକା ଗୋଦାମରେ ପୋଲିସ ଚଢାଉ କରି ଲକ୍ଷାଧିକ ଟଙ୍କାର ବାଣ ଜବତ କରିଛି |
ବରପାଲି ପୋଲିସର ଚଢ଼ାଉ: ଲକ୍ଷାଧିକ ଟଙ୍କାର ବାଣ ଜବତ
ବରପାଲି ପୋଲିସ ଆଇଆଇସି ରୋଜାଲିନ ପଟେଲଙ୍କ ନେତୃତ୍ବରେ ବରପାଲି ଜଗନ୍ନାଥ ନଗର, ନିକଟରେ ଥିବା ଏକ ଗୋଦାମରେ ପୋଲିସ ଅତର୍କିତ ଚଢ଼ାଉ କରି ବିପୁଳ ପରିମାଣର ବାଣ ଜବତ କରିଛି । ତେବେ ରାଜ୍ୟସରାକର ଚଳିତ ବର୍ଷ ଦୀପାବଳିରେ ବାଣବିକ୍ରିକୁ ନିଷିଦ୍ଧ ଘୋଷଣା କରିବା ପରେ ରାଜ୍ୟ ପୋଲିସ୍ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଇ ବିପୁଳ ପରିମାଣର ବାଣ ଜବତ କରିବା ସହ ଉକ୍ତ ବ୍ୟବସାୟୀମାନଙ୍କ ନାମରେ ମାମଲା ରୁଜୁ କରାଯାଉଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
