ବରଗଡ଼: ଜିଲ୍ଲାରେ କୋରୋନା ମହାମାରୀ ଚାରିପଟେ ଛାଇ ଯାଇଥିବା ବେଳେ ଜେଲ ଭିତରେ ଥିବା ଜେଲ ଅନ୍ତେବାସୀ ମାନଙ୍କୁ ମଧ୍ୟ ଛାଡ଼ିନାହିଁ । ବରଗଡ଼ ଜିଲ୍ଲା ପଦ୍ମପୁର ଉପକାରଗାରରେ ଥିବା ଜଣେ ବିଚାରଧୀନ ଜେଲ ଅନ୍ତେବାସୀଙ୍କର ଚିକିତ୍ସାଧିନ ଅବସ୍ଥାରେ ମୃତ୍ୟୁ ହୋଇଛି । ତେବେ ଜଣେ କଏଦୀଙ୍କ କୋଭିଡ଼ରେ ମୃତ୍ୟୁ ହେବା ବରଗଡ ଜିଲ୍ଲାରେ ଏହା ପ୍ରଥମ ଘଟଣା ।
ପଦ୍ମପୁର ଉପକାରାଗାର ଜଣେ ବିଚାରଧୀନ ଜେଲ ଅନ୍ତେବାସୀ ଜଣକ କୋରୋନା ଆକ୍ରାନ୍ତ ହୋଇ କୋଭିଡ଼ କେୟାର ସେଣ୍ଟରରେ ଚିକିତ୍ସିତ ଅବସ୍ଥାରେ ମୄତ୍ୟୁ । ପାଇକମାଲ ଥାନା ଢେଙ୍କିମୁଣ୍ଡା ଗ୍ରାମର ଛତରାମ ଧନଓ୍ବର ହତ୍ୟା ଉଦ୍ୟମ ଅଭିଯୋଗରେ ଗତ ନଭେମ୍ବର ୨୦୨୦ ରୁ ପଦ୍ମପୁର ଉପକାରାଗାରେ ବିଚାରଧିନ କଏଦୀ ଭାବରେ ଥିଲେ ।
ଗତ ମେ ମାସ ୨୧ ତାରିଖ ଦିନ ପଦ୍ମପୁର ଉପକାରାଗାର ଅନ୍ତେବାସୀ ମାନଙ୍କ କୋରୋନା ପରୀକ୍ଷା କରାଗଲା ଏବଂ ସେ କୋରୋନା ଆକ୍ରାନ୍ତ ଚିହ୍ନଟ ହେଲେ । ୨୩ ତାରିଖ ଦିନ ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ପଦ୍ମପୁର କୋଭିଡ଼ କେୟାର ସେଣ୍ଟରରେ ଭର୍ତ୍ତି କରାଯାଇଥିଲା । ଗତକାଲି ସନ୍ଧ୍ୟାରେ ତାଙ୍କ ଅବସ୍ଥା ଗୁରୁତର ହୋଇଥିଲା ମାତ୍ର ଚିକିତ୍ସାଧିନ ଅବସ୍ଥାରେ ତାଙ୍କର ମୄତ୍ୟୁ ହୋଇଥିବା ନେଇ ପଦ୍ମପୁର ଉପକାରଗାରର ଏସ.ଡ଼ି.ଏମ.ଓ ସୂଚନା ଦେଇଛନ୍ତି ।
ବରଗଡରୁ ରାଜେଶ ସରାପ, ଇଟିଭି ଭାରତ
