ବରଗଡ଼: ଚଳନ୍ତା କାରରେ ଲାଗିଲା ନିଆଁ । ହୁ ହୁ ହୋଇ ବିଚ ରାସ୍ତାରେ ଜାଲିଗଲା ମାରୁତି କାର । ସୂଚନାମୁତାବକ, ବରଗଡ଼ ଭଟଲି ଛକ ନିକଟରେ ସନ୍ଧ୍ୟାରେ ଏକ ମାରୁତି କାରରେ ହଠାତ ନିଆଁ ଲାଗିଯିବାରୁ କାର ଚାଳକ ଗାଡିଟିକୁ ରାସ୍ତାରେ ରଖି ଦେଇ ନିଜକୁ ବଞ୍ଚାଇବାରେ ସକ୍ଷମ ହୋଇଥିଲେ । ପରେ ସେ ନିଆଁକୁ ଲିଭାଇବାକୁ ଚେଷ୍ଟା କରିଥିଲେ, ମାତ୍ର ନିଆଁର ମାତ୍ରା ଏତେ ଅଧିକ ଥିଲା ଯେ, ଏହାକୁ ଆୟତ୍ତ କରିବାରେ ବିଫଳ ହୋଇଥିଲେ ଲୋକେ ।
ଚଳନ୍ତା କାରରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଚାଳକ
ଭଟଲି ଛକ ରାସ୍ତା ଦୀର୍ଘ 2 ଘଣ୍ଟା ପର୍ଯ୍ୟନ୍ତ ଜାମ ହୋଇ ପଡିଥିଲା ଏବଂ ଲୋକେ ଭୟରେ ପାଖକୁ ମଧ୍ୟ ଯିବାକୁ ସାହସ କରିନଥିଲେ । ତେବେ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଫୋନ କରିବାରୁ ସଙ୍ଗେସଙ୍ଗେ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁଙ୍କୁ ଆୟତ୍ତ କରିଥିଲେ । ତେବେ ଏହି ମାରୁତି କାରରେ କେଉଁ କାରଣରୁ ନିଆଁ ଲାଗିଲା, ତାହାର ସଠିକ କାରଣ ଏଯାବତ ଜଣାପଡି ନାହିଁ ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
