ବରଗଡ: ମହାନତା ଦେଖାଇଲେ ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ । ବର୍ଷକର ଶିଶୁର ଅସ୍ତ୍ରୋପଚାର କରାଇ ଜୀବନ ରକ୍ଷା କରିଛନ୍ତି ଅତାବିରା ବିଧାୟିକା। ଆତ ମଞ୍ଜି ଗିଳିଦେଇଥିବା ଏକ ଶିଶୁର ଚିକିତ୍ସା କରାଇ ଶିଶୁକୁ ମୃତ୍ୟୁ ମୁଖରୁ ଫେରାଇ ଆଣିଛନ୍ତି ବିଧାୟିକା ।
ବରଗଡ ଜିଲ୍ଲା ଅତାବିରା ବ୍ଲକ ପରମାନପୁର ଆନ୍ଧ୍ରପଡାର ମନ୍ଦାକିନୀ ଏବଂ ଭରତ ଯାଦବଙ୍କ ଏକ ବର୍ଷର ଶିଶୁକନ୍ୟା ହେମଲତା ଆତ ଫଳର ମଞ୍ଜି ଗିଳି ଦେଇଥିଲା । ମଞ୍ଜି ଶିଶୁର ଫୁସଫୁସରେ ଅଟକି ଯାଇଯିବା ଫଳରେ ଶ୍ବାସକ୍ରିୟାରେ ବାଧା ଉପୁଜିଥିଲା ।
ବହୁ ଡାକ୍ତରଙ୍କ ନିକଟକୁ ଗଳା ପରେ ମଧ୍ୟ କୌଣସି ସୁଫଳ ମିଳି ନଥିଲା । ଡାକ୍ତରଖାନାରୁ ଡାକ୍ତରଖାନା ବୁଲି ନିରାଶ ହୋଇ ଘରେ ଜୀବନ ସହ ସଂଘର୍ଷ କରୁଥିବା ଝିଅଙ୍କ ଘରକୁ ଅତାବିରା ବିଧୟିକା ସ୍ନେହାଙ୍ଗିନୀ ଛୁରିଆ ପହଞ୍ଚି ଝିଅର ସମସ୍ତ ଚିକିତ୍ସା ଖର୍ଚ୍ଚ ବହନ କରିବେ ବୋଲି ପ୍ରତିଶ୍ରୃତି ଦେଇଥିଲେ ।
ଏହାପରେ ଭୁବନେଶ୍ବର ଏକ ଘରୋଇ ହସ୍ପିଚାଲରେ କୁନି ଝିଅର ଅସ୍ତ୍ରୋପଚାର କରାଯାଇଥିଲା । ଏହି ସଫଳ ଅସ୍ତ୍ରୋପଚାର ପରେ ଝିଅ ଏବେ ସମ୍ପୂର୍ଣ୍ଣ ସୁସ୍ଥ ଅଛି, ହସୁଛି, ଖେଳୁଥିବା ଶିଶୁର ମା' କହିଛନ୍ତି । ସେପଟେ ସଫଳ ଚିକିତ୍ସା ପାଇଁ ଘରୋଇ ହସ୍ପିଟାଲର ଡା. ରାଧାମାଧବ ସାହୁଙ୍କୁ ବିଧୟିକା ସ୍ନେହାଙ୍ଗିନୀ ଛୁରିଆ କୃତଜ୍ଞତା ଜଣାଇଥିବା ବେଳେ ଜିଲ୍ଲାରେ ପ୍ରସଂଶାର ପାତ୍ର ହୋଇଛନ୍ତି ବିଧାୟିକା ।
ବରଗଡରୁ ରାଜେଶ ସରାପ, ଇଟିଭି ଭାରତ
