ବରଗଡ: ସରିଛି ବହୁ ପ୍ରତୀକ୍ଷିତ ବିଜେପୁର ଉପନିର୍ବାଚନ । ସୋମବାର ସକାଳ 7ଟାରୁ ଆରମ୍ଭ ହୋଇ ସନ୍ଧ୍ୟା 5ଟାରେ ସରିଥିଲା ମତଦାନ । ଏହାପରେ କଡା ସୁରକ୍ଷା ବଳୟ ଭିତରେ ପୋଲିଂ କର୍ମଚାରୀମାନେ ଇଭିଏମ ମେସିନ, ଭିଭିପାଟ ଓ ସମସ୍ତ ନିର୍ବାଚନୀ ସାମଗ୍ରୀଗୁଡିକୁ ପଦ୍ମପୁରରେ ରହିଥିବା ଷ୍ଟ୍ରଙ୍ଗ ରୁମକୁ ସ୍ଥାନାନ୍ତର କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ସୂଚନା ମୁତାବକ ଜିଲ୍ଲାର 1800ରୁ ଅଧିକ ପୋଲିଂ କର୍ମଚାରୀଙ୍କ ସହିତ ନିୟୋଜିତ ହୋଇଥିବା ପୋଲିସମାନେ ନିଜ ନିଜ ବୁଥର ନିର୍ବାଚନୀ ସାମଗ୍ରୀ ନେଇ ପଦ୍ମପୁର ଅଭିମୁଖେ ବାହାରିଥିଲେ । ପଦ୍ମପୁରରେ ନିର୍ବାଚନୀ ସାମଗ୍ରୀ ସବୁ ଗ୍ରହଣ କରାଯାଇ ସେଠାରେ ରହିଥିବା ଷ୍ଟ୍ରଙ୍ଗ ରୁମରେ ସମସ୍ତ ଦଳର ପ୍ରାର୍ଥୀଙ୍କ ଭାଗ୍ୟ କଏଦ କରାଯାଇଛି ।
ଆସନ୍ତା 24 ତାରିଖରେ ଭୋଟ ଗଣନା କରାଯିବ ଏବଂ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରାଯିବ ।
ବରଗଡରୁ ରାଜେଶ ସରାପ, ଇଟିଭି ଭାରତ
