ବରଗଡ଼: ମମିତା ହତ୍ୟାକାଣ୍ଡ ଘଟଣାରେ ଜିଲ୍ଲାରେ ଜେର୍ ଧରିଛି ତାତି । ଏନେଇ ଆମ୍ ଆଦମୀ ପକ୍ଷରୁ ଶୁକ୍ରବାର ସହରର ଗାନ୍ଧିଛକ ଠାରୁ ଏକ କ୍ୟାଣ୍ଡେଲ ଶୋଭାଯାତ୍ରା ବାହାରି ନିରବ ପ୍ରାର୍ଥନା କରିବା ସହିତ ମମିତା ମେହେରଙ୍କ ହତ୍ୟାକାରୀକୁ ଦଣ୍ଡିତ କରିବା ସହ ନ୍ୟାୟ ପ୍ରଦାନ କରିବାକୁ ଦାବି କରିଛି ଦଳ । ତେବେ ଏହି ଘଟଣାକୁ ନେଇ ଆମ୍ ଆଦମୀ ପାର୍ଟି ତରଫରୁ ବିଜେଡି ଦଳର ନେତା ଓ ମନ୍ତ୍ରୀଙ୍କ କାର୍ଯ୍ୟକଳାପକୁ ନିନ୍ଦା କରିଛନ୍ତି । ତା ସହିତ ହତ୍ୟାକାଣ୍ଡ ଘଟଣାରେ ଜଡିତ ଥିବା ରାଜ୍ୟ ଗୃହ ବିଭାଗ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ବହିଷ୍କାର କରିବା ଓ ଦୋଷୀମାନଙ୍କୁ ଦଣ୍ଡ ଦେବା ଦାବିରେ ସ୍ବର ଉଠାଇଛି ଦଳ ।
ଏଥିରେ ଜିଲ୍ଳା ଆବାହକ ଭବାନୀ ସାହୁ, ମରିୟମ ବାର୍ଲା, ଅସିତ ସାହୁ, ଗୋଲାପୀ ସୁନା ଓ ଅନ୍ୟମାନେ ଉପସ୍ଥିତ ଥିଲେ । ସେପଟେ ବରଗଡ଼ରେ ବିପର୍ଯ୍ୟସ୍ତ ଆଇନ ଶୃଙ୍ଖଳାକୁ ଯଦି ଆଗାମୀ ଦିନରେ ସେ ଦିଗରେ ଦୃଷ୍ଟି ଦିଆ ନଯାଏ ତେବେ ଦଳ ଆନ୍ଦୋଳନ ପନ୍ଥା ଗ୍ରହଣ କରିବ ବୋଲି ଆପ୍ ଆବାହକ ଭବାନୀ ସାହୁ ଚେତାବନୀ ଦେଇଛନ୍ତି ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
