ବରଗଡ: ଜିଲ୍ଲାରେ ପ୍ରଥମ ଥର ପାଇଁ ଜିଲ୍ଲା ଲୋକକଳା ମହୋତ୍ସବ ପାଳିତ ହୋଇଯାଇଛି । ପଦ୍ମପୁର ବ୍ଲକ ଅନ୍ତର୍ଗତ ଢୋଲବନ୍ଦ ଗ୍ରାମରେ ଦୁଇଦିନ ଧରି ଚାଲିଥିଲା ଏହି ଜିଲ୍ଲାସ୍ତରୀୟ କାର୍ଯ୍ୟକ୍ରମ । ବରଗଡ ଜିଲ୍ଲାରେ ସଞ୍ଚାର, ପାଲା, ଦାସକାଠିଆ, ସଂପ୍ରଦା, କୃଷ୍ଣଗୁରୁ, ଖଞ୍ଜଣୀ ଭଜନ, ଡାଳଖାଇ ନୃତ୍ୟ, ମାଇଲାଜଡ ଓ ରସରକେଲୀ ପରି ବିଭିନ୍ନ ପ୍ରକାରର ଲୋକକଳା ରହିଛି । ତେଣୁ ଏହି ହଜିଯାଉଥିବା ଲୋକକଳା ଓ କଳାକାରମାନଙ୍କର ପ୍ରତିଭାକୁ ଲୋକଲୋଚନକୁ ଆଣିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ନିଆରା ପଦକ୍ଷେପ ନିଆଯାଇଛି ।
ବିଭିନ୍ନ ଲୋକକଳାକୁ ବଞ୍ଚାଇ ରଖିଥିବା କଳାକାରମାନଙ୍କୁ ରାଜ୍ୟ ସରକାର କଳାକାର ଭତ୍ତା ପ୍ରଦାନ କରିବା ସହିତ ନାନା ସଚେତନତା କାର୍ଯ୍ୟକ୍ରମ ମାଧ୍ୟମରେ ନିୟୋଜିତ କରିବାର ସୁନ୍ଦର ପ୍ରୟାସକୁ କଳାକାର ମହଲରେ ସ୍ଵାଗତ କରାଯାଇଛି । ଦୁର୍ଦ୍ଦିନରେ ଦିନ କାଟୁଥିବା ଛୋଟ ଛୋଟ କଳାକାରମାନଙ୍କୁ ଅଣଦେଖା କରାଯାଉଥିବା ବେଳେ ରାଜ୍ୟ ସରକାରଙ୍କ ଏପରି ପଦକ୍ଷେପ ନେଇ କଳାକାରମାନଙ୍କୁ ରୋଜଗାରକ୍ଷମ କରିବା ସହିତ କଳାକାର ପରିବାର ପାଇଁ ଏକ ସାହାରା ପାଲଟିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
