ବରଗଡ: ପଦ୍ମପୁର ପୋଲିସକୁ ମିଳିଛି ଏକ ବଡ ସଫଳତା । ଚୋରା ଗଞ୍ଜେଇ ଚାଲାଣରେ ସମ୍ପୃକ୍ତ ଥିବା 2 ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିବା ସହ 48 କିଲୋଗ୍ରାମର ଗଞ୍ଜେଇ ଜବତ କରିଛି । ପଦ୍ମପୁର ଏସଡିପିଓ ଏନେଇ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ।
ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ବୁଡେନ ଥାନା କୁକୁରୀମୁଣ୍ଡାରୁ ବିପୁଳ ପରିମାଣର ଗଞ୍ଜେଇ ଜବତ କରିଛି ପୋଲିସ । କୁକୁରୀମୁଣ୍ଡା ଗ୍ରାମର ରାଜେନ୍ଦ୍ର ବଢେଇ ନାମକ ଜଣେ ବ୍ୟକ୍ତି ଗଞ୍ଜେଇ ବିକ୍ରି କରୁଥିଲେ । ଶୁକ୍ରବାର ପୋଲିସ ବିଶେଷ ସୂତ୍ରରୁ ଖବର ପାଇ ବୁଡେନ ଥାନାଧିକାରୀ ବିରବର ଭଗତ ଚଢାଉ କରିଥିଲେ । ଚଢାଉବେଳେ 48 କିଲୋ 200ଗ୍ରାମର ଗଞ୍ଜେଇ ଜବତ ହେବା ସହ ଦୁଇ ଚୋରା ଚାଲାଣକାରୀ ରାଜେନ୍ଦ୍ର ବଢେଇ ଓ ରଞ୍ଜନ ଭଏଁସାଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ଏନେଇ ବୁଡେଇ ଥାନାରେ ଏକ ମାମଲା ରୁଜୁ କରାଯାଇଛି । ତେବେ ଅଭିଯୁକ୍ତମାନେ ବୌଦ୍ଧ ଅଞ୍ଚଳରୁ ଗଞ୍ଜେଇ ଆଣି ବୁଡେନ ଥାନା ଅଞ୍ଚଳରେ ବିକ୍ରି କରୁଥିବା ପଦ୍ମପୁର ଉପଖଣ୍ଡ ପୋଲିସ ଅଧିକାରୀ ପ୍ରଦୀପ କୁମାର ସାହୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
ବରଗଡରୁ ରାଜେଶ ସରାପ, ଇଟିଭି ଭାରତ
