ବରଗଡ଼: ରାଜ୍ୟରେ ଥମୁନାହିଁ ମହାମାରୀ କୋରୋନା ସଂକ୍ରମଣ । ବରଗଡ ଜିଲ୍ଲାରେ ରବିବାର ଆଉ ୧୮ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଏବେସୁଦ୍ଧା ଜିଲ୍ଲାରେ ପଜିଟିଭ ସଂଖ୍ୟା ୮୭ରେ ପହଞ୍ଚିଛି ।
ନୂଆ ୧୮ ଆକ୍ରାନ୍ତଙ୍କ ମଧ୍ୟରୁ ୨ ଜଣ ପଦ୍ମପୁର ଅଞ୍ଚଳର ହୋଇଥିବା ବେଳେ ଜଣେ ଆମ୍ବାଭୋନା ବ୍ଲକର ଏବଂ ବାକି ୧୫ ଜଣ ବରଗଡ ବ୍ଲକ ଅନ୍ତର୍ଗତ କଟାପାଳି ଗାଁର ବୋଲି ଜଣାପଡିଛି । କଟାପାଳିରେ ଦିନକୁ ଦିନ ବଢିଚାଲୁଥିବା କୋରୋନା ସଂକ୍ରମଣ ଜିଲ୍ଲା ପ୍ରଶାସନ ପାଇଁ ଚିନ୍ତାର କାରଣ ପାଲଟିଛି | ତେବେ ଏନେଇ ଜନସାଧାରଣଙ୍କୁ ଭୟଭୀତ ନହୋଇ ସଚେତନତା ଅବଲମ୍ବନ କରିବାକୁ କହିଛନ୍ତି ବରଗଡ ଜିଲ୍ଲାପାଳ ।
ବରଗଡ ବ୍ଲକ କଟାପାଳି ଗାଁରେ କୋରୋନା ସଂକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇସାରିଥିବାବେଳେ ବର୍ତ୍ତମାନ ପର୍ଯ୍ୟନ୍ତ ୩୧ ଜଣ ସଂକ୍ରମିତ ହୋଇସାରିଛନ୍ତି । ତେବେ ଗୋଷ୍ଠୀ ସଂକ୍ରମଣ ଆରମ୍ଭ ହୋଇଥିବାର ଆଶଙ୍କ କରାଯାଇ କଟାପଳି ଗାଁକୁ ସଟଡ଼ାଉନ ଘୋଷଣା କରାଯାଇଛି । ଅଯଥାରେ ଘରୁ ପଦାକୁ ନବାହାରି ସଚେତନ ରହିବା ସହ କୌଣସି ଗୁଜବକୁ ବିଶ୍ବାସ ନକରିବା ପାଇଁ ଜନସାଧାରଣଙ୍କୁ ଅନୁରୋଧ କରିଛନ୍ତି ବରଗଡ ଜିଲ୍ଲାପାଳ ଜ୍ୟୋତିରଞ୍ଜନ ପ୍ରଧାନ ।
ବରଗଡରୁ ରାଜେଶ ସରାପ, ଇଟିଭି ଭାରତ
