ବାଲେଶ୍ବର: ବୁଦା ମୂଳରୁ ମହିଳାଙ୍କ ଉଲଗ୍ନ ଶବ ଉଦ୍ଧାର । ଭୋଗରାଇ ଅଞ୍ଚଳରେ ବୁଦା ମୂଳରୁ ଜଣେ ଅଚିହ୍ନା ମହିଳାଙ୍କ ଉଲଗ୍ନ ଶବ ଉଦ୍ଧାର କରାଯାଇଛି । ତେବେ ଅଜଣା ମହିଳା ଜଣଙ୍କ କାହିଁକି ଓ କେଉଁ ପରିସ୍ଥିତିରେ ଏଠାରେ ମୃତ୍ୟୁ ହୋଇଛି ତାହା ଜଣାପଡିନଥିବା ବେଳେ ପୋଲିସ ଘଟଣାର ତଦନ୍ତ ଜାରି ରଖିଛି ।
ଭିଡିଓ ସୌଜନ୍ୟ: ପ୍ରିତିନିଧି, ବାଲେଶ୍ବର
ସୂଚନା ଅନୁସାରେ, ବାଲେଶ୍ବର ଜିଲ୍ଲା ଭୋଗରାଇ ବ୍ଲକ ଅନ୍ତର୍ଗତ କମର୍ଦ୍ଦା ଥାନା ଅଧୀନସ୍ଥ ମହାଦିଆ ଗ୍ରାମରେ ଏକ ବିଲରେ ମହିଳାଙ୍କ ଗଳିତ ଶବ ପଡି ରହିଥିଲା । ବିଲକୁ ଧାନ କାଟିବାକୁ ଯାଇଥିବା କିଛି ଚାଷୀ ବେଣା ଘାସ ବୁଦା ମୂଳରେ ପଡିଥିବା ଶବ ଦେଖିଥିଲେ । ଏହାପରେ କମର୍ଦ୍ଦା ପୋଲିସକୁ ଖବର ଦେଇଥିଲେ ଚାଷୀ ।
ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହି ଘଟଣାରେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
