ବାଲେଶ୍ବର: ମଦ ବେପାରୀ ବିରୋଧରେ ମହିଳାଙ୍କ ବିକ୍ଷୋଭ ପ୍ରଦର୍ଶନ । ବାଲେଶ୍ଵର ଜିଲ୍ଲା ଔପଦା ଥାନା ଆଗରେ ମହିଳାମାନେ ମଦ ବେପାରୀ ବିରୋଧରେ ବିକ୍ଷୋଭ ପ୍ରଦର୍ଶନ କରିଥିବା ଦେଖିବାକୁ ମିଳିଛି । ଆଗୁଆନସାହି ଗ୍ରାମରେ ଚୋରା ମଦ କାରବାର ବଢି ଚାଲିଥିବା ବେଳେ ଏନେଇ ମହିଳାଗୋଷ୍ଠୀ ବିରୋଧ କରିଥିଲେ ।
ମଦ ବେପାରୀ ବିରୋଧରେ ଗର୍ଜିଲେ ମହିଳା
ପରେ ଗ୍ରାମବାସୀ ଓ ଉକ୍ତ ମଦ ବେପାରି ମଧ୍ୟରେ ମଦ ନବିକିବାକୁ ନେଇ ଆପୋଷ ବୁଝାମଣା ହୋଇଥିଲା । ମାତ୍ର ଉକ୍ତ ମଦ ବେପାରୀ ଜଣଙ୍କ ମହିଳାଙ୍କ ସ୍ବାମୀଙ୍କ ନାଁରେ ମିଛ ଅଭିଯୋଗ କରି ଥାନାରେ ମାମଲା ରୁଜୁ କରିଥିବା ଅଭିଯୋଗରେ ମହିଳାମାନେ ଉତକ୍ଷିପ୍ତ ହୋଇ ଥାନାରେ ପହଞ୍ଚିଥିଲେ ।
ତେବେ ଉକ୍ତ ଅଞ୍ଚଳ ଆଦିବାସୀବହୁଳ ଅଞ୍ଚଳ ହୋଇଥିବାରୁ ଚୋରା ମଦ କାରବାର ଯୋଗୁଁ ସାମାଜିକ ପରିସ୍ଥିତି ବିଗିଡିଥିବା ଅଭିଯୋଗ ହୋଇଛି । ଯାହାକୁ ନେଇ ମଦ କାରବାର ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଥାନା ଅଧିକାରୀ କହିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
