ବାଲେଶ୍ବର: ନିର୍ବାଚନୀ ପ୍ରଚାରରେ ମହିଳା କର୍ମୀ । ଦଳୀୟ ପ୍ରାର୍ଥୀଙ୍କୁ ଜିତାଇବା ପାଇଁ ଆଗେଇ ଆସୁଛନ୍ତି ମହିଳା । ନିଜ ପସନ୍ଦର ପ୍ରାର୍ଥୀଙ୍କ ପାଇଁ ଜୋରସୋରରେ କରୁଛନ୍ତି ପ୍ରଚାର । ବାଲେଶ୍ବରରେ ଦେଖିବାକୁ ମିଳିଛି ଏଭଳି କିଛି ଦୃଶ୍ୟ ।
ନେତାଙ୍କ ସହ ଡୋର ଟୁ ଡୋର କ୍ୟାମ୍ପେନିଂରେ ମହିଳା କର୍ମୀ । ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗୁଛନ୍ତି ମହିଳା ସମର୍ଥକ । ହାତରେ ପ୍ଲାକାର୍ଡ । ଟାର୍ଗେଟରେ ଜନଗହଳୀପୂର୍ଣ୍ଣ ସ୍ଥାନ । ସିଧାସଳଖ ଲୋକଙ୍କ ପାଖକୁ ଯାଇ ଦଳୀୟ ପ୍ରାର୍ଥୀଙ୍କ ସପକ୍ଷରେ ବୁଝାଉଛନ୍ତି ମହିଳା କର୍ମୀ । ଦୋକାନ, ବଜାର ଓ ରାସ୍ତାକଡ, ସବୁଠି ଚାଲିଛି ପ୍ରଚାର ।
ଆହୁରି ପଢନ୍ତୁ: ସରିଲା ନିର୍ବାଚନ, ଘର ବାହୁଡିଲେ ପୋଲିଂ ଅଧିକାରୀ
ବାଲେଶ୍ବର ଲୋକସଭା ପାଇଁ ବିଜେଡିରୁ ପ୍ରାର୍ଥୀ ହୋଇଥିବା ରବୀନ୍ଦ୍ର କୁମାର ଜେନା ଏବଂ ସଦର ବିଧାୟକ ପ୍ରାର୍ଥୀ ଜୀବନ ପ୍ରଦୀପ ଦାଶଙ୍କୁ ଜିତାଇବା ପାଇଁ ଅଣ୍ଟା ଭିଡିଛନ୍ତି ମହିଳା ସମର୍ଥକ । ବେକରେ ଶଙ୍ଖ ଉତ୍ତରୀୟ ପକାଇ ବାହାରି ପଡୁଛନ୍ତି ନିର୍ବାଚନୀ ପ୍ରଚାରରେ । ଲୋକଙ୍କ ସହ ସିଧାସଳଖ ମିଶୁଛନ୍ତି ଏମାନେ ।
ଆହୁରି ପଢନ୍ତୁ: 'ପରାଜୟ ଭୟରେ ବିଜେପି ରାଜନୈତିକ ହିଂସା ସୃଷ୍ଟି କରୁଛି'
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମାକୁ ସମ୍ମାନ ଗାଁକୁ କାମ ନାରାକୁ ନେଇ ଚାଲିଛି ନିର୍ବାଚନୀ ପ୍ରଚାର । ରାଜ୍ୟ ସରକାରଙ୍କ ଜନକଲ୍ୟାଣମୂଖୀ ଯୋଜନା ଭୋଟରଙ୍କ ଆଗରେ ବଖାଣୁଥିବା ଦେଖିବାକୁ ମିଳିଛି ।
ବାଲେଶ୍ବରରୁ ଜୀବନ ଜ୍ୟୋତି ନାଏକ, ଇଟିଭି ଭାରତ
