ବାଲେଶ୍ବର: ଲଘୁଚାପ ଯୋଗୁଁ ସମଗ୍ର ରାଜ୍ୟରେ ଜାରି ରହିଛି ବର୍ଷା । ଦିନ ତମାମ ବର୍ଷା ଲାଗି ରହିବା ସହ ବାଲେଶ୍ବର ଜିଲ୍ଲାର ବିଭିନ୍ନ ତଳିଆ ଅଞ୍ଚଳରେ ପାଣି ଜମି ରହିଛି । ଏହି କ୍ରମରେ ବାଲେଶ୍ବର ଫକୀର ମୋହନ ମେଡିକାଲ କଲେଜରେ ବର୍ଷା ଜଳ ପ୍ରବେଶ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ତେବେ କଲେଜରେ ଅତ୍ୟାଧୁନିକ ବ୍ୟବସ୍ଥା ଥିବା ବେଳେ ବର୍ଷା ପାଣି ନିଷ୍କାସନ ହୋଇପାରିନଥିଲା । ଯାହାଫଳରେ ସର୍ଜରୀ ୱାର୍ଡରେ ପାଣି ଜମି ରହିଥିଲା । ଯାହାକୁ ନେଇ ରୋଗୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ମେଡିକାଲ ଭିତରକୁ ଯାତାୟତ ପାଇଁ ପାଣି ଭିତରେ ମେଡିକାଲ କର୍ମଚାରୀମାନେ ଇଟା ପକାଉଥିବା ଦୃଶ୍ୟ ଦେଖିବାକୁ ମିଳିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
