ବାଲେଶ୍ବର:ଚୋରି ଅଭିଯୋଗରେ ଜଣେ ଯୁବକଙ୍କୁ ବାନ୍ଧିଲେ ଗାଁ ଲୋକେ । ବାଲେଶ୍ବର ଜିଲ୍ଲା ବାଲିଆପାଳ ଥାନା ଖଗଡାପାଳ ଗ୍ରାମରେ ଚୋରି ଅଭିଯୋଗରେ ଯୁବକଙ୍କୁ ବିଜୁଳି ଖୁଣ୍ଟରେ ବାନ୍ଧିବା ସହିତ ନିଷ୍ତୁକ ପିଟିଛନ୍ତି ଗାଁ ଲୋକେ ।
ଚୋରି ଅଭିଯୋଗରେ ଯୁବକ ବନ୍ଧାc
ସୂଚନାଅନୁସାରେ, ମଙ୍ଗଳବାରେ ଭୋରୁ ଜଣେ ଲୋକଙ୍କ ଘରୁ ପାଣି ମୋଟର ଚୋରି କରୁଥିବା ବେଳେ ଘରଲୋକ ରାଜ କୁମାର ମହାପାତ୍ର ନାମକ ଜଣେ ଯୁବକଙ୍କୁ କାବୁ କରିଥିଲେ। ଖାଲି ଜଣଙ୍କ ଘରୁ ନୁହେଁ ଗାଁରେ ଅନେକ ଜଣଙ୍କ ଘରୁ ବହୁ ଜିନିଷ ଚୋରି ହେଉଥିବାରୁ ଲୋକେ ରାଜ କୁମାରକୁ ବିଜୁଳି ଖୁଣ୍ଟରେ ବାନ୍ଧି ବହେ ଛେଚିଛନ୍ତି ।
ତେବେ ନିଶା ସେବନ ପାଇଁ ଗାଁର କିଛି ଯୁବକ ବାରମ୍ବାର ଗାଁରେ ଲୋକଙ୍କ ଘରୁ ବିଭିନ୍ନ ଜିନିଷ ଚୋରି କରୁଥିବା ଗ୍ରାମବାସୀ ଅଭିଯୋଗ କରିଛନ୍ତି । ପୋଲିସ ପାଖରେ ଏ ନେଇ କୌଣସି ଅଭିଯୋଗ ହୋଇନାହିଁ ।
ବାଲେଶ୍ବରରୁ ଜାବନ ଜ୍ୟୋତି ନାୟକ, ଇଟିଭି ଭାରତ
