ବାଲେଶ୍ବର: ଲାଞ୍ଚ ନେଇ ଭିଜିଲାନ୍ସ ଜାଲରେ ଧରା ପଡିଛନ୍ତି ଜଣେ ପୋଲିସ ବାବୁ । ଏକ ପାରିବାରିକ ବିବାଦର ସମାଧାନ ପାଇଁ 10 ହଜାର ଟଙ୍କା ଲାଞ୍ଚ ନେଉଥିବା ବେଳେ ବାଲେଶ୍ୱର ଟାଉନ ଥାନା ଏଏସଆଇ ନରହରି ମହାଳିକଙ୍କୁ ଗିରଫ କରିଛି ଭିଜିଲାନ୍ସ ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ସୂଚନା ଅନୁସାରେ, ସ୍ଥାନୀୟ ଅଞ୍ଚଳର ସକିଲ ଅହମ୍ମଦ ନାମକ ଏକ ବ୍ୟକ୍ତିଙ୍କ ଠାରୁ ଟାଉନ ଥାନା ଏଏସଆଇ 10 ହଜାର ଟଙ୍କା ଲାଞ୍ଚ ନେଉଥିଲେ । ଏ ନେଇ ଖବର ପାଇ ଭିଜିଲାନ୍ସର ଏକ ଟିମ୍ ତାଙ୍କୁ ପୋଲିସ ଷ୍ଟେସନ ସମ୍ମୁଖରୁ ଗିରଫ କରିଛି । ଏଥିସହ ତାଙ୍କ ନିକଟରେ ଥିବା 8500 ଟଙ୍କା ଜବତ ମଧ୍ୟ କରିଛି ।
ଅନ୍ୟପଟେ ଭିଜିଲାନ୍ସ ପକ୍ଷରୁ ତାଙ୍କ ବାସଭବନରେ ଚଢାଉ କରାଯାଇ ବ୍ୟାଙ୍କ ପାସବୁକ୍ ଜବତ କରାଯିବା ସହ ତଦନ୍ତ ଜାରି ରଖିଛି । ତେବେ ଗତ ସୋମବାର ଏକ ଡକାୟତି ଗ୍ୟାଙ୍ଗକୁ ଧରି ଚାରିଆଡେ ଟାଉନଥାନାର ପ୍ରଶଂସା କରାଯାଉଥିବା ବେଳେ ଆଜି ଖୋଦ୍ ଲାଞ୍ଚ ନେଇ ଜଣେ ପୋଲିସ ଅଧିକାରୀ ଗିରଫ ହେବା ସାଧାରଣରେ ଚର୍ଚ୍ଚାର ବିଷୟ ପାଲଟିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
