ବାଲେଶ୍ବର: ମେଡିକାଲ ଛାତ୍ରଛାତ୍ରୀଙ୍କୁ ଅସାମାଜିକ ଲୋକଙ୍କ ଅଶ୍ଳୀଳ କେମେଣ୍ଟ । ଜିଲ୍ଲାର ରେମୁଣାଠାରେ ଥିବା ଫକୀର ମୋହନ ମେଡିକାଲ କଲେଜ ଛାତ୍ରଛାତ୍ରୀମାନଙ୍କୁ ଆସାମାଜିକ ଲୋକଙ୍କ କମେଣ୍ଟ ମାରିବା ସହିତ ଦୌରାତ୍ମ୍ୟ ବଢୁଥିବା ଅଭିଯୋଗ କରି ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ଛାତ୍ରଛାତ୍ରୀ ।
ସୂଚନାଅନୁସାରେ,ଫକୀର ମୋହନ ମେଡିକାଲ କଲେଜ ଛାତ୍ରଛାତ୍ରୀମାନଙ୍କୁ କିଛି ଅସାମାଜିକ ଲୋକ ଖରାପ କମେଣ୍ଟ ମାରିଥିବା ଅଭିଯୋଗ ହୋଇଛି । କିଛି କାମ ପାଇ କଲେଜ ବାହାରିବା ମାତ୍ରେ ତାଙ୍କୁ କମେଣ୍ଟ ମାରିବା ସହିତ ଭିଡିଓ ସୁଟିଂ କରୁଥିବା ଅଭିଯୋଗ ହୋଇଛି । ଦିନେ କି ଦୁଇ ଦିନ ନୁହେଁ ପ୍ରାୟ ଦୁଇ ବର୍ଷ ହେବ ଛାତ୍ରଛାତ୍ରୀଙ୍କୁ ଅସାମାଜିକ ଲୋକଙ୍କ ଆକ୍ରୋଶର ଶିକାର ହେବାକୁ ପଡୁଛି। ସେଠି ସୁରକ୍ଷା ବ୍ୟବସ୍ଥା ଢିଲା ଥିବାରୁ ଅସାମାଜିକ ବ୍ୟକ୍ତିଙ୍କ ଦୌରାତ୍ମ୍ୟ ବଢୁଥିବା ଅଭିଯୋଗ ହୋଇଛି ।
ଘଟଣାକୁ ବିରୋଧ କରି ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରିବା ଡାକ୍ତରୀ ଛାତ୍ରଛାତ୍ରୀଙ୍କ ସୁରକ୍ଷା ପାଇଁ ମେନ ରୋଡରେ ଏକ ପୋଲିସ ଫାଣ୍ଡି ସ୍ଥାପନ କରିବା ସହିତ ପୋଲିସ ମୁତୟନ କରିବାକୁ ଦାବି କରିଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିିଭି ଭାରତ
