ବାଲେଶ୍ବର: ଜିଲ୍ଲାର ବସ୍ତା ଅଞ୍ଚଳରେ ଦେଖିବାକୁ ମିଳିଛି ଏକ ଦୁଃଖଦ ଘଟଣା । 2 ସମ୍ପର୍କୀୟ ଭଉଣୀ ପୋଖରିରେ ଗାଧୋଇବା ବେଳେ ଗୋଡ଼ ଖସି ଯିବାରୁ ଉଭୟଙ୍କ ମୃତ୍ୟୁ ହୋଇଥିବା ଜଣାପଡିଛି।
ବସ୍ତା ଥାନା ଆଳୁଚରା ଗ୍ରାମର ଶିବପ୍ରସାଦ ଜେନାଙ୍କ ଝିଅ ମାମା ବଗଚରା ଗ୍ରାମର ନିଜ ମାମୁଁ ଘରକୁ ବୁଲିବାକୁ ଯାଇଥିଲେ । ସେଠାରେ ମାମୁଁ ଅନୁଗୁଳ ପରମାଣିକଙ୍କ ଝିଅ ବର୍ଷାଙ୍କ ସହ ପାଖ ପୋଖରୀକୁ ଉଭୟ ଭଉଣୀ ଗାଧୋଇବା ପାଇଁ ଯାଇଥିଲେ । ପୋଖରୀରେ ଉଭୟେ ଗାଧୋଉଥିବା ବେଳେ ସେମାନଙ୍କ ଗୋଡ଼ ଖସି ଯାଇଥିଲା । ଫଳରେ ଦୁଇ ଭଉଣୀ ବୁଡ଼ିଯାଇଥିଲେ ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଗ୍ରାମବାସୀ ବହୁ ଖୋଜାଖୋଜି କରିବା ପରେ ସେମାନଙ୍କୁ ଉଦ୍ଧାର କରି ସ୍ଥାନୀୟ ମେଡିକାଲକୁ ନିଆଯାଇଥିଲେ କିନ୍ତୁ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
