ବାଲେଶ୍ବର: ଚଳିତ ବର୍ଷ ବଜେଟକୁ ନେଇ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ ଏକ ସାମ୍ବାଦିକ ସମ୍ମିଳନୀ ଜରିଆରେ ନିଜର ମତ ରଖିଛନ୍ତି। ସେ କହିଛନ୍ତି ଏ ବଜେଟ ଏକ ଐତିହାସିକ ବଜେଟ, ସାଧାରଣ ଲୋକଙ୍କ ପାଇଁ ଏ ବଜେଟ ହୋଇଛି। ଗରିବ ଓ ଅବହେଳିତ ଶ୍ରେଣୀର ଲୋକଙ୍କ ପାଇଁ ସୁବିଧା କରାଯାଇଛି। ସେଥିପାଇଁ ବିଭିନ୍ନ ଯୋଜନା କେନ୍ଦ୍ର ସରକାର ହାତକୁ ନେଇଥିବା ସେ କହିଛନ୍ତି।
ଶିକ୍ଷା କ୍ଷେତ୍ରରେ ଉନ୍ନତ ଶିକ୍ଷା ଯୋଗାଇଦେବା ପାଇଁ 15 ହଜାର ବିଦ୍ୟାଳୟରେ ନୂତନ ଶିକ୍ଷାନୀତି ଦ୍ବାରା ଶିକ୍ଷାଦାନ କରାଯିବ। ଏଥିପାଇଁ 100ଟି ସୈନିକ ସ୍କୁଲ ପ୍ରତିଷ୍ଠା କରାଯିବ। ଏହାସହ 750 ଟି ଏକଲବ୍ୟ ଆଦର୍ଶ ବିଦ୍ୟାଳୟ ପ୍ରତିଷ୍ଠା କରାଯିବ। ଫଳରେ ଆଦିବାସୀ ପିଲାମାନେ ବିଶେଷ ଭାବେ ଲାଭବାନ ହେବେ ବୋଲି ମନ୍ତ୍ରୀ ମତ ରଖିଛନ୍ତି । ଅନ୍ୟପଟେ ତୈଳଦର ବୃଦ୍ଧିକୁ ନେଇ କିଛି ସନ୍ତୋଷଜନକ ଉତ୍ତର ଦେଇ ନଥିବାବେଳେ ଗ୍ୟାସଦର ବୃଦ୍ଧିକୁ ସେ ସ୍ବୀକାର କରିଛନ୍ତି । ଏହା ସହ କରୋନା ସମୟରେ ମାଗଣା ଗ୍ୟାସ ଓ ରାସନ ଦିଆଯିବା କଥା କହି ଆଡ଼େଇ ଯାଇଥିବା ଦେଖିବାକୁ ମିଳିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
