ବାଲେଶ୍ବର: ତେଲ ଟ୍ୟାଙ୍କରରେ କେନ୍ଦୁପତ୍ର ଚାଲାଣ ବେଳେ ବାନ୍ଧିନେଲା ପୋଲିସ । ବାଲେଶ୍ବର ଜିଲ୍ଲା ସୋର ପୋଲିସ ଓ ବନ ବିଭାଗ ମିଳିତ ଚଡାଉ କରି ତେଲ ଟ୍ୟାଙ୍କରଟିକୁ ଧରିବାରେ ସଫଳ ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ଭଦ୍ରକରୁ ବାଲେଶ୍ବର ଯାଉଥିବା ବେଳେ ବାରିକପୁର ନିକଟରେ ପୋଲିସ ଚଢ଼ାଉ କରି ତେଲ ଟ୍ୟାଙ୍କରଟିକୁ ଧରିବାରେ ସଫଳ ହୋଇଛି । ତେବେ ଘଟଣାସ୍ଥଳରୁ ତେଲ ଟ୍ୟାଙ୍କର ଡ୍ରାଇଭର ଓ ହେଲପର ଫେରାର ହୋଇଯାଇଛନ୍ତି ।
ସୂଚନାଯୋଗ୍ୟ, ତେଲ ଟ୍ୟାଙ୍କର ମାଧ୍ୟମରେ ଦୀର୍ଘ ଦିନ ହେବ କେନ୍ଦୁପତ୍ର ମାଫିଆମାନେ ବାଲେଶ୍ବର ଜିଲ୍ଲାରେ ବେଧଡ଼କ କେନ୍ଦୁପତ୍ର ବ୍ୟବସାୟ କରୁଥିଲେ । ଏନେଇ ଅଭିଯୋଗ ହେବା ପରେ ପୋଲିସ ବୁଧବାର ପୂର୍ବପ୍ରସ୍ତୁତି ମୁତାବକ ଚଢ଼ାଉ କରି ଗିରଫ କରିବାରେ ସଫଳ ହୋଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
