ବାଲେଶ୍ବର : କୋରୋନା ସଂକ୍ରମଣ ଉପରେ ରୋକ ଲଗାଇବା ପାଇଁ କଠୋର ହୋଇଛି ବାଲେଶ୍ଵର ଜିଲ୍ଲା ପ୍ରଶାସନ । ବିଭିନ୍ନ ଦୋକାନ ସାମ୍ନାରେ ଭିଡ଼ ଜମୁଥିବାରୁ ପ୍ରଶାସନିକ ସ୍ତରରେ ଦୋକାନ ସିଲ ପ୍ରକ୍ରିୟାକୁ ଜୋରଦାର କରାଯାଇଛି। ଦୋକାନ ସାମ୍ନାରେ ସାମାଜିକ ଦୂରତା, ଦୋକାନୀ ଓ ଗ୍ରାହକ ମାସ୍କ ପିନ୍ଧିବା ଓ ସାନିଟାଇଜ କରିବା ଭଳି ନିୟମକୁ ଉଲଂଘନ କରିଥିବା ଦୋକାନ ଗୁଡିକ ପ୍ରତିଦିନ ସିଲ କରାଯାଉଛି ।
କୋରୋନା ପାଇଁ କଠୋର ହେଲା ପ୍ରଶାସନ, ଗାଇଡଲାଇନ ଭାଙ୍ଗିଥିବା ଦୋକାନ ସିଲ
ସହରର ନୂଆବଜାର, ଫାଣ୍ଡିଛକ ଆଦି ସ୍ଥାନରେ କୋଭିଡ ନିୟମ ଉଲଂଘନ କରିଥିବା ଦୋକାନ ଗୁଡିକ 7 ଦିନ ପର୍ଯ୍ୟନ୍ତ ପ୍ରଶାସନ ବନ୍ଦ କରିଛି । ଆଗାମୀ ଦିନରେ କୋଭିଡ ଗାଇଡ଼ ଲାଇନ ମାନୁ ନଥିବା ଦୋକାନୀଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସୂଚନା ମିଳିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ ,ଇଟିଭି ଭାରତ
