ବାଲେଶ୍ୱର: ଚାନ୍ଦିପୁର ରାସ୍ତାରେ ଘଟିଛି ଭୟାନକ ସଡ଼କ ଦୁର୍ଘଟଣା । ଦୁର୍ଘଟଣା ଏତେ ତୀବ୍ର ଥିଲା ଯେ ଘଟଣାସ୍ଥଳରେ ହିଁ 3 ଜଣଙ୍କର ମୃତ୍ୟୁ ହୋଇଛି ଓ ଅନ୍ୟ ଜଣେ ଗୁରୁତର ଭାବେ ଚିକିତ୍ସିତ ହେଉଥିବା ଜଣାପଡିଛି।
ଭିଡ଼ିଓ ସୌଜନ୍ଯ: ସମ୍ବାଦଦତା,ବାଲେଶ୍ବର
ସୂଚନା ଅନୁସାରେ, ଚାନ୍ଦିପୁର ଯିବା ରାସ୍ତା ଆଇଓସିଏଲ୍ ଆଗରେ ବାଇକ ଓ ସ୍କୁଟି ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଉଭୟେ ରଜରେ ବନ୍ଧୁ ଘରକୁ ଯାଉଥିବା ବେଳେ ଏମିତି ଦୁର୍ଘଟଣା ଘଟିଥିବା କୁହାଯାଉଛି । ଫଳରେ 3 ଜଣଙ୍କ ମୃତ୍ୟୁ ଘଟିଛି । ସ୍କୁଟି ଚଳାଉଥିବା ସଦାନନ୍ଦ ଦାସ ଓ ଭକ୍ତ ବନ୍ଧୁ ସିଂ ଙ୍କ ମଧ୍ୟରୁ ଭକ୍ତ ବନ୍ଧୁଙ୍କ ମୃତ୍ୟୁ ହୋଇଥିବା ବେଳେ ସଦାନନ୍ଦ ଦାସ ଗୁରୁତର ଭାବେ ଚିକିତ୍ସିତ ହେଉଛନ୍ତି । ଅନ୍ୟ ବାଇକ ରେ ଥିବା 2 ଜଣ ମୃତକ ହେଲେ ବ୍ରହ୍ମପୁର ଥାନା ଅନ୍ତର୍ଗତ ଅଶାଣ ବଣୀର ପପୁ ସିଂ ଓ ବୃନ୍ଦାବନ ସିଂ ।
ବାଲେଶ୍ବରରୁ ଜୀବନଜ୍ଯୋତି ନାୟକ, ଇଟିଭି ଭାରତ
