ବାଲେଶ୍ବର: କୌଣସି ମଡେଲ, ଉଚ୍ଚଶିକ୍ଷିତା ବା ଚାକିରିଆ ନୁହଁନ୍ତି ବରଂ ନିର୍ବାଚନ ଲଢେଇରେ ସାମିଲ ହୋଇଛନ୍ତି ରିକ୍ସା ଚାଳକ । ଚଳିତ ପଞ୍ଚାୟତ ନିର୍ବାଚନରେ ରେମୁଣା ବ୍ଲକର ମନ୍ଦାରପୁର ପଞ୍ଚାୟତର ସରପଞ୍ଚ ପ୍ରାର୍ଥୀ ଭାବେ ନିର୍ବାଚନ ଲଢ଼ୁଛନ୍ତି ରିକ୍ସା ଚାଳକ ସନାତନ ଦାସ । ପାଖରେ ଟଙ୍କା ନାହିଁ ସତ କିନ୍ତୁ ମନରେ ଦୃଢ ବିଶ୍ବାସ ଓ ଗ୍ରାମ ପ୍ରତି ସେବା ମନୋବୃତ୍ତି ରଖି ସେ ପ୍ରାର୍ଥୀ ହୋଇଛନ୍ତି ।
ରିକ୍ସା ଚାଳକ ସରପଞ୍ଚ ପ୍ରାର୍ଥୀ
ସନାତନଙ୍କ ଧନସମ୍ପତ୍ତି କିଛି ନଥିବାବେଳେ କେବଳ ସେ ରିକ୍ସା ଉପରେ ଭରସା କରି ପେଟ ପୋଷନ୍ତି। ଚତୁର୍ଥ ଶ୍ରେଣୀ ଯାଏଁ ପଢ଼ିଥିବା ସନାତନ ୨୦୧୭ ନିର୍ବାଚନରେ ସମିତି ସଭ୍ୟ ପଦ ପାଇଁ ଲଢ଼ିଥିଲେ । ଆଉ ଏବେ ପୁଣିଥରେ ସରପଞ୍ଚ ପ୍ରାର୍ଥୀ ଭାବେ ମୈଦାନକୁ ଓହ୍ଲାଇଛନ୍ତି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
