ବାଲେଶ୍ବର:ବିଭିନ୍ନ ବିକାଶମୂଳକ ଦାବି ନେଇ ବାଲେଶ୍ବର ଛାତ୍ର କଂଗ୍ରେସ ପକ୍ଷରୁ ଏକ ଛାତ୍ର କମ୍ପନ ପଦଯାତ୍ରା ଅନୁଷ୍ଠିତ ହୋଇଯାଇଛି । ଏଥିରେ ଛାତ୍ର କଂଗ୍ରେସର ରାଜ୍ୟ ସଭାପତି ୟସୀର ନବାଜ ଯୋଗ ଦେଇଛନ୍ତି । ସହରର ଗାନ୍ଧି ସ୍ମୃତି ନିକଟରୁ ପଦଯାତ୍ରା ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ଶେଷ ହୋଇଛି ଏବଂ ସେଠାରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।
ଗର୍ଜିଲା ଛାତ୍ର କଂଗ୍ରେସ, ରଖିଲା ବିକାଶ ମୂଳକ ଦାବି
ଛାତ୍ର କଂଗ୍ରେସ ଦାବି ଅନୁଯାୟୀ, ଜିଲ୍ଲାର ଶିକ୍ଷିତ ଯୁବକ ଯୁବତୀମାନଙ୍କୁ ନିଯୁକ୍ତି ମିଳୁ ନଥିବାରୁ ସେମାନେ ଦାଦନ ଖଟିବା ପାଇଁ ଯାଉଛନ୍ତି । ଏଥିପାଇଁ ନିଯୁକ୍ତି ସୁଯୋଗ ସୃଷ୍ଟି କରିବା, ବାଲେଶ୍ବରରେ ଏକ ରେଳ ଡିଭିଜନ ପ୍ରତିଷ୍ଠା କରିବା, କେନ୍ଦ୍ର ସରକାରଙ୍କ ନୂତନ କୃଷି ବିଲ ପ୍ରତ୍ୟାହାର କରିବା, ଜିଲ୍ଲାରେ ଏକ ବୈଷୟିକ ବିଶ୍ବବିଦ୍ୟାଳୟ ପ୍ରତିଷ୍ଠା କରିବା, ଫକୀର ମୋହନ ମେଡିକାଲ କଲେଜ ପ୍ରବେଶ ପଥରେ ଅସାମାଜିକ ଯୁବକଙ୍କ ଦୈରାତ୍ମ୍ୟ ବନ୍ଦ କରିବା ଭଳି ଦାବି ଉପସ୍ଥାପନ କରାଯାଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
