ବାଲେଶ୍ୱର: ୩ଜଣିଆ କାୟାକଳ୍ପ ଟିମଙ୍କ ବିଭିନ୍ନ ସ୍ୱାସ୍ଥ୍ୟକେନ୍ଦ୍ର ପରିଦର୍ଶନ । ତେବେ ସ୍ୱାସ୍ଥ୍ୟକେନ୍ଦ୍ର ଗୁଡିକରେ ପରିବେଶ ଓ ପରିଛନ୍ନତା ଉପରେ ନଜର ଦିଆଯାଉଛି କି ନାହିଁ ତାହା ତଦାରଖ କରିବା ପାଇଁ ବାଲେଶ୍ୱର ଜିଲ୍ଲାର ବିଭିନ୍ନ ସ୍ୱାସ୍ଥ୍ୟକେନ୍ଦ୍ର ଗୁଡିକ ତନ୍ନତନ୍ନ କରି ଦେଖିଛନ୍ତି ୩ ଜଣିଆ କାୟାକଳ୍ପ ଟିମ । ସୂଚନା ଅନୁସାରେ, ଗତ ୨ ତାରିଖ ଦିନ ତିନି ଜଣିଆ କାୟାକଳ୍ପ ଟିମ୍ ବାଲେଶ୍ଵରରେ ପହଞ୍ଚିଥିଲେ ।
ଜିଲ୍ଲା ମୁଖ୍ୟ ଚିକିତ୍ସାଳୟ ଠାରୁ ଆରମ୍ଭ କରି ଜିଲ୍ଲାର ବିଭିନ୍ନ ସ୍ୱାସ୍ଥ୍ୟକେନ୍ଦ୍ର ଗୁଡିକ ବୁଲି ଦେଖିବା ସହ ସେଠାକାର ପରିବେଶ ପ୍ରତି ଦୃଷ୍ଟି ଦେଇଥିଲେ । ଏଥର ୧୨ଟି ଜନସ୍ବାସ୍ଥ୍ୟ କେନ୍ଦ୍ରର ୭୦ ନମ୍ବର ଉପରେ ନମ୍ବର ଥିବାରୁ ସେମାନଙ୍କୁ ଏକ୍ସଟର୍ଣ୍ଣାଲ ଆସେସମେଣ୍ଟ ଆସିଥିଲା । ସେମାନଙ୍କ ମାର୍କ ଆସେସମେଣ୍ଟ ପରେ ଜଣାପଡିବ ଯେ କେଉଁ ଜନସ୍ବାସ୍ଥ୍ୟ ଅନୁଷ୍ଠାନ ଏଥିରେ ପାସ୍ ହେଉଛନ୍ତି । ତେବେ ଏହି ତିନି ଜଣିଆ ଟିମ୍ ସ୍ବାସ୍ଥ୍ୟ କେନ୍ଦ୍ର ବୁଲିବା ସହ ସଫେଇ କର୍ମଚାରୀ ତଥା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କର୍ମଚାରୀଙ୍କ ସହ ଆଲୋଚନା କରିଥିଲେ । ଏହି ଟିମରେ ଟିବି ଜେଡି ଡା.ଅର୍ଘ୍ୟ ପ୍ରଧାନ, ଏନଏଚଏମ(NHM) କନସଲଣ୍ଟାଣ୍ଟ ସନ୍ତୋଷ ନାୟକ ଏବଂ ୟୁନିସେଫ୍ ପିଓ ଦୀପକ ବିଶ୍ବାଳ ରହିଥିଲେ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
