ବାଲେଶ୍ବର: ରାସ୍ତା ମରାମତି ଦାବିରେ ଜିଲ୍ଲାପାଳଙ୍କୁ ଭେଟିଲେ ଭଏସ ଅଫ ବାଲେଶ୍ବରର ସଦସ୍ୟ। ମ୍ୟୁନିସିପାଲିଟିର ୱାର୍ଡ ନଂ 28 ଓ 29 ଅଧିନରେ ଥିବା ଗୋପାଳଗାଁ ସ୍ଥିତ ଖାଦିମ୍ସ ସୋରୁମ ଠାରୁ ଟାଉନ ହଲ ପର୍ଯ୍ୟନ୍ତ ରାସ୍ତା ଅବସ୍ଥା ଶୋଚନୀୟ ରହିଛି ।
ରାସ୍ତା ମରାମତି ଦାବି କଲା ଭଏସ ଅଫ୍ ବାଲେଶ୍ଵର
ଏହି ରାସ୍ତାର ମରାମତି କାର୍ଯ୍ୟ ପାଇଁ ଟେଣ୍ଡର ହୋଇ ଅର୍ଥ ମଞ୍ଜୁର ହୋଇଥିବା ବେଳେ ଏଯାଏଁ କାମ ଆରମ୍ଭ ହୋଇନାହିଁ। ଯାହାଦ୍ବାରା ଆମ୍ବୁଲାନ୍ସ ଯିବା ଆସିବା ଓ ସାଧାରଣ ଲୋକଙ୍କ ଯାତାୟତରେ ବାଧା ସୃଷ୍ଟି ହେଉଛି।
ଏ ଦିଗରେ ଜିଲ୍ଲାପ୍ରଶାସନ ତୁରନ୍ତ ଦୃଷ୍ଟି ନଦେଲେ ଆଗାମୀ ଦିନରେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରାଯିବ ବୋଲି ଚେତାବନୀ ଦିଆଯାଇଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
