ବାଲେଶ୍ୱର: ଦାଦନ ଶ୍ରମିକ ଚାଲାଣବେଳେ ଚଢ଼ାଉ । ନୀଳଗିରି ଅଞ୍ଚଳରୁ ୬୦ ଜଣ ଦାଦନଙ୍କୁ ଉଦ୍ଧାର କରିବା ସହ ଘଟଣାସ୍ଥଳରୁ ଏକ ବସ ଜବତ କରିଛି ପୋଲିସ ।
ସୂଚନାନୁଯାୟୀ, ସୋମବାର ନୀଳଗିରି ସଜନାଗଡ଼ ଚଣ୍ଡୀ ମନ୍ଦିର ପାଖରୁ ଏକ ବସରେ ୬୦ଜଣ ଶ୍ରମିକଙ୍କୁ ଦାଦନ ଖଟାଇବା ପାଇଁ ନିଆଯାଉଥିଲା । ବସରେ ଥିବା ସମସ୍ତ ଶ୍ରମିକ ସଜନାଗଡ଼, ନୂଆସାହି, ଭଉଁରିଆବାଡ଼, ତେଣ୍ଡା ଆଦି ଗାଁରୁ ଚାଲାଣ ହେଉଥିଲେ । ଖବର ପାଇ ପୋଲିସ ଉକ୍ତ ସ୍ଥାନରେ ଚଢ଼ାଉ କରି ଉଦ୍ଧାର ଶ୍ରମିକଙ୍କୁ ଥାନାକୁ ଆଣି ପଚରାଉଚରା କରିଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ତେବେ ଶ୍ରମିକମାନେ ଦୀଘା ସ୍ଥିତ ସି-ଫୁଡ ପ୍ରୋସେସିଂ ପ୍ଲାଣ୍ଟରେ କାମ କରିବାକୁ ଯାଉଥିବା କହିଥିଲେ । ସେମାନଙ୍କ ମଧ୍ୟରୁ ପ୍ରାୟ ୩୦ ଜଣ ନାବାଳିକା ଓ ନାବାଳକ ଥିବା ଜଣାପଡିଛି । ତେବେ ଘଟଣାସ୍ଥଳରୁ ବସଟିକୁ ଜବତ କରିବା ସହ ତଦନ୍ତ ଜାରି ରିଖିଛି ପୋଲିସ ।
ବାଲେଶ୍ୱରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
