ବାଲେଶ୍ବର: ଗାଁକୁ କାମ, ମାକୁ ସମ୍ମାନର ସ୍ଲୋଗାନ ଦେଉଥିବା ରାଜ୍ୟ ସରକାର ବାଲେଶ୍ଵର ଜିଲ୍ଲା ରେମୁଣା ବ୍ଲକ ମହାରାଜପୁର ଗାଁର 4 ନମ୍ବର ୱାର୍ଡକୁ ଅବହେଳା କରୁଥିବା ଅଭିଯୋଗ କରିଛନ୍ତି ୱାର୍ଡବାସୀ ।
କାଦୁଅ ରାସ୍ତାରେ ଚାଲୁଛନ୍ତି ଲୋକେ, ପକ୍କା ରାସ୍ତା ପାଇଁ ଦାବି ଗାଁ ଗାଁରେ ପକ୍କା ରାସ୍ତା ହେଉଥିବାବେଳେ ଏବେବି ଉକ୍ତ ଗ୍ରାମର ରାସ୍ତା ବର୍ଷା ଦିନରେ ଯାତାୟାତ ଉପଯୋଗୀ ହେଉନାହିଁ । ରାସ୍ତାରେ କାଦୁଅ ପଚପଚ ହୋଇ ଲୋକମାନେ ଯାତାୟତ କରୁଥିବା ଦେଖିବାକୁ ମିଳିଛି । ରାସ୍ତା ଅବସ୍ଥା ଏମିତି ଶୋଚନୀୟ ହୋଇଛି ଯେ ଆମ୍ବୁଲାନ୍ସ ଯିବା ମୁସ୍କିଲ ହୋଇପଡୁଛି । ଏମିତି ପରିସ୍ଥିତିକୁ ନେଇ ଗ୍ରାମବାସୀ ବାରମ୍ବାର ପ୍ରଶାସନର ଦୃଷ୍ଟି ଆକର୍ଷଣ କରିଥିଲେ ମଧ୍ୟ କାହାରି ଏଥିପ୍ରତି ନଜର ପଡୁନଥିବା ଅଭିଯୋଗ ହୋଇଛି । ଆଗକୁ ବର୍ଷାଦିନ ଆସୁଥିବାରୁ ଲୋକମାନେ କାଦୁଅ ରାସ୍ତାରେ ଯାତାୟାତ କରିବାରେ ଆହୁରି ଅସୁବିଧା ଭୋଗିବେ । ଏଥିପାଇଁ ପ୍ରଶାସନିକସ୍ତରରେ ଉକ୍ତ ରାସ୍ତା ମରାମତି କରିବା ପାଇଁ ଦାବି ହୋଇଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
