ବାଲେଶ୍ଵର: ଜିଲ୍ଲାର ଖନ୍ତାପଡ଼ା ଥାନା 16 ନଂ ଜାତୀୟ ରାଜପଥ କଡରେ ରହିଛି ମାଆ ଦାଣ୍ଡକାଳୀଙ୍କ ମନ୍ଦିର। ମାଆଙ୍କ ମାହାତ୍ମ୍ୟ ଅବର୍ଣ୍ଣନୀୟ, ଭକ୍ତର ଅଳି ସବୁବେଳେ ପୂର୍ଣ୍ଣ ହୋଇଥିବା ବିଶ୍ବାସ ରହିଛି । ଏମିତି କିଛି ବିଶ୍ବାସ ଓ ମନସ୍କାମନା ନେଇ ପ୍ରତିଦିନ ମାଆ ଦାଣ୍ଡକାଳୀଙ୍କ ପାଖରେ ଜମେ ଲୋକଙ୍କ ଭିଡ଼ ।
ଦାଣ୍ଡକାଳୀଙ୍କୁ ଜଙ୍ଗଲର ଦେବୀ ମଧ୍ୟ କୁହାଯାଏ । ପ୍ରତିଦିନ ମାଆଙ୍କ ବେଶ ସାଙ୍ଗକୁ ଆଳତି କରାଯାଏ । ଦୀପାବଳି ରାତିସାରା ମାଆଙ୍କ ପୂଜାର୍ଚ୍ଚନା ସହ ଯଜ୍ଞ ଆଦି ଅନୁଷ୍ଠିତ ହୋଇଥାଏ । 3 ଦିନ ଧରି ମାଆଙ୍କ ପାଖରେ ଚାଲେ ହରିନାମ ସଂକୀର୍ତ୍ତନ । ପ୍ରତ୍ୟେକ୍ଷ ଠାକୁରାଣୀ ମାଆ ଦାଣ୍ଡକାଳୀଙ୍କ ମନ୍ଦିର ଦେଇ ଯିବା ଆସିବା କରୁଥିବା ହଜାର ହଜାର ଗାଡି ମାଆଙ୍କ ସାନିଧ୍ୟ ଲାଭ କରି ଗନ୍ତବ୍ୟସ୍ଥଳକୁ ଯାଇଥାନ୍ତି।
ନୂଆ ଗାଡି କିଣା ହେବା ମାତ୍ରେ ମାଆ ଦାଣ୍ଡକାଳୀଙ୍କ ପାଖରେ ପୂଜା ପାଇଁ ଲୋକେ ମନ ବଳାଇଥାନ୍ତି । ମାଆଙ୍କ ପାଖରେ 3ପ୍ରକାରର ଭୋଗ ଲାଗି ହେଉଥିବା ବେଳେ 2ଟି ବେଶ କରାଯାଇଥାଏ । ଦାଣ୍ଡକାଳୀଙ୍କ ମାହାତ୍ମ୍ୟ କଥା କେବଳ ବାଲେଶ୍ଵର ନୁହେଁ ବରଂ ବିଭିନ୍ନ ଅଞ୍ଚଳରେ ମଧ୍ୟ ଆଲୋଚନା ହୋଇଥାଏ।
ରାଜରାସ୍ତାରେ ଯିବା ବେଳେ ମାଆଙ୍କ ମନ୍ଦିର ପାଖରେ ଆପେ ଆପେ ଗାଡି ଅଟକିଯାଏ। ଦ୍ବିପ୍ରହରରେ ମାଆଙ୍କ ପାଖରେ କୁଡୁଆ ଅନ୍ନ ଲାଗି ହୋଇଥାଏ । ମାଆଙ୍କ ପାଖରେ ବର୍ଷସାରା ବିଭିନ୍ନ ପ୍ରକାରର କାର୍ଯ୍ୟକ୍ରମ କରାଯାଉଥିବା ବେଳେ ମାଆଙ୍କ ମନ୍ଦିର ତଥା କାର୍ଯ୍ୟକ୍ରମ ପାଇଁ କମିଟି ସବୁବେଳେ କାର୍ଯ୍ୟ କରିଥାଏ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
